جسٹس (ر) مظہر عالم خان میاں خیل چیئرمین مسابقتی اپیلٹ ٹربیونل تعینات

وزارت قانون و انصاف نے جسٹس (ر) مظہر عالم خان میاں خیل کو چیئرمین مسابقتی اپیلٹ ٹربیونل تعینات کرنے کا نوٹیفکیشن جاری کر دیا ہے۔

پیر کو جاری نوٹیفکیشن کے مطابق وفاقی حکومت نے 13 جولائی 2025 تک کی مدت کیلئے انہیں اس عہدے پر تعینات کیا ہے۔ ان کی تعیناتی کی مدت ان کے عہدے کا چارج سنبھالنے سے شروع ہو گی۔

وفاقی کابینہ نے جسٹس (ر) مظہر عالم میاں خیل کی بطور چیئرمین تعیناتی کی منظوری دی ہے۔

جسٹس (ر) مظہر عالم میاں خیل پشاور ہائی کورٹ کے سابق چیف جسٹس اور سپریم کورٹ کے سابق جج کے طور پر خدمات انجام دے چکے ہیں۔