آرمی چیف سے یورپین یونین کی سفیر کی ملاقات، باہمی دلچسپی کے امور پر تبادلہ خیال

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق آرمی چیف جنرل قمر جاوید باجوہ سے یورپین یونین کی سفیر اندرولا کامینارا نے ملاقات کی ہے۔

آئی ایس پی آر کے مطابق  ملاقات میں باہمی دلچسپی کے امور پر تبادلہ خیال کیا گیا ہے،علاقائی سلامتی صورتحال بشمول افغان امن عمل میں پیشرفت پر بھی بات کی گئی ہے۔

آرمی چیف جنرل قمر جاوید باجوہ نے کہا کہ  یورپین یونین سے اپنے تعلقات کو پاکستان قدر کی نگاہ سے دیکھتا ہے، ہم باہمی مفادات پر مبنی دوطرفہ مفید ہمہ جہتی شعبوں میں تعاون کے متمنی ہیں۔

آئی ایس پی آر کا کہنا ہے کہ یورپین یونین کی سفیر نے خطے میں امن اور استحکام اور خاص کر افغان امن عمل میں پاکستان کی مخلصانہ کوششوں کو سراہا ہے۔