وفاقی سرکاری اداروں کے سابق اوقات کار بحال، نوٹیفکیشن جاری

تفصیلات کے مطابق نیشنل کمانڈ اینڈ آپریشن سینٹر  ( این سی او سی ) کے فیصلوں پر عمل درآمد شروع ہوگیا۔ وفاقی سرکاری اداروں کے سابق اوقات کار بحال کردیے گئے۔اسٹیبلشمنٹ ڈویژن نے نوٹیفکیشن جاری کر دیا۔

نوٹیفکیشن کے مطابق  ہفتہ، اتوار تعطیل کرنیوالے دفاتر صبح 9 سے شام 5 بجے تک کُھلیں گے اور  دوپہر ایک سے ڈیڑھ بجے تک کھانے و نماز کا وقفہ ہو گا۔جمعہ کو دوپہر ساڑھے بارہ سے 2 بجے تک وقفہ ہو گا۔صرف اتوار کو تعطیل کرنے والے دفاتر صبح 9 سے 4  کُھلیں گے اور دوپہر ایک سے ڈیڑھ بجے تک کھانے و نماز کا وقفہ ہو گا۔صرف اتوار کو تعطیل کرنیوالے دفاتر جمعہ کے روز صبح 9 سے ایک بجے کُھلیں گے۔

نوٹیفکیشن میں کہا گیا ہے کہ اوقات کار فوری اور تاحکمِ ثانی نافذالعمل ہیں۔