وزیر اعظم نے پیٹرولیم مصنوعات کی قیمتوں میں اضافے کی تجویز مسترد کر دی

تفصیلات کے مطابق  حکومت نے  پیٹرولیم مصنوعات کی قیمتیں برقرار رکھنے کا فیصلہ کیا ہے۔وزیر اعظم نے قیمتوں میں اضافے کی تجویز مسترد کر دی ہے۔

سماجی رابطے کی ویب سائٹ ٹوئٹر پر ایک ٹویٹ میں وزیر مملکت اطلاعات فرخ حبیب نے کہا کہ  وزیراعظم  عمران خان نے پیٹرولیم مصنوعات کی قیمتوں میں ردوبدل سے متعلق اوگرا تجویز کو مسترد کرتے ہوئے پیٹرولیم مصنوعات کی قیمتوں کو 31 مئی تک برقرار رکھنے کا فیصلہ کیا ہے۔وزیراعظم عمران خان بین الااقوامی سطح پر پیٹرولیم مصنوعات کی قیمتوں میں اضافے کا بوجھ عوام پر نہیں ڈالناچاہتے۔

پیٹرولیم مصنوعات کی قیمتیں نہ بڑھانے سے حکومتی خزانہ کو2.77 ارب کا روپے بوجھ برداشت کرنا پڑے گا۔حکومت نے نہ صرف پیٹرولیم لیوی میں ا،یڈجسمنٹ کی بلکہ لائیٹ ڈیزل اور کیروسین آئل پر سیلز ٹیکس میں بھی کمی کی ہے

— Farrukh Habib (@FarrukhHabibISF) May 17, 2021

فرخ حبیب کا کہنا تھا  کہ پیٹرولیم مصنوعات کی قیمتیں نہ بڑھانے سے حکومتی خزانہ کو2.77 ارب کا روپے بوجھ برداشت کرنا پڑے گا۔حکومت نے نہ صرف پیٹرولیم لیوی میں ا،یڈجسمنٹ کی بلکہ لائیٹ ڈیزل اور کیروسین آئل پر سیلز ٹیکس میں بھی کمی کی ہے۔

انہوں نے مزید لکھا کہ   وزیراعظم عمران خان نے 30 اپریل کو بھی پیٹرولیم مصنوعات کی عالمی سطح پر قیمتوں اضافے کے باوجود قیمتوں میں اصافہ نہیں کیا تھا جس سے 4.8ارب روپے کا بوجھ حکومتی خزانہ نے براداشت کیا تھا۔

خیال رہے کہ  اوگرا نے پٹرولیم مصنوعات کی قیمتوں سے متعلق دوتجاویزدی تھیں، عالمی تناظرمیں پٹرولیم مصنوعات کی قیمتوں میں اضافہ کی تجویزدی گئی تھی۔پٹرولیم لیوی کم کرکے قیمتیں برقراربھی رکھی جاسکتی ہیں۔

 دوسری تجویز پٹرولیم مصنوعات کی قیمتوں میں 3 روپے 25 پیسے فی یونٹ تک اضافے کی تجویز دی گئی تھی، پٹرول کی قیمت میں 1 روپے 25 پیسے فی لٹراضافے کی سفارش، جبکہ ڈیزل کی قیمت میں 3 روپے 25 پیسے فی لٹراضافے کی تجویزکی گئی تھی۔