ترسیلات زر کا نیا ریکارڈ ، وزیراعظم سمندر پار پاکستانیوں کے مشکور

تفصیلات کے مطابق سماجی رابطے کی ویب سائٹ ٹوئٹر پر پیغام میں وزیراعظم عمران خان کاکہنا ہے کہ میں نے ہمیشہ اوورسیز پاکستانیوں کو ملک کا سب سے بڑا اثاثہ سمجھا ہے، اپریل میں بیرون ملک پاکستانیوں کی ترسیلات زر 2.8 بلین ڈالر کی بلند ترین سطح پر پہنچ گئیں، مالی سال2021 کے پہلے 10 ماہ میں ترسیلات زر 24.2 بلین ڈالر تھیں۔وزیراعظم نے مزید کہاکہ  بیرون ملک پاکستانیوں نے پورے مالی سال 2020 میں حاصل کردہ  ترسیلات زر کا ریکارڈ توڑ دیا۔ وزیراعظم عمران خان نے نیا پاکستان پر  اعتماد کے لیے سمندرپار پاکستانیوں کا شکریہ ادا کیا ۔

I have always believed Overseas Pakistanis to be our greatest asset. In April, your remittances rose to an all-time high of $2.8bn. Remitting $24.2bn in first 10 mths of FY21, you have broken the record level achieved in entire FY20. Thank you for your faith in Naya Pakistan.

— Imran Khan (@ImranKhanPTI) May 18, 2021

گزشتہ ماہ اسٹیٹ بینک کی رپورٹ کے مطابق فروری کی ترسیلات فروری 2020ء کے مقابلے میں یہ 24.2 فیصد زائد رہیں۔جولائی تا فروری مالی سال 21ء کے دوران کارکنوں کی ترسیلات 18.7 ارب ڈالر تک جا پہنچیں۔جولائی تا فروری کی ترسیلات گزشتہ مالی سال کے مقابلے میں 24.1 فیصد زائد رہیں۔ سال کے پہلے سات ماہ کے دوران ملک کی مجموعی برآمدات مالی سال 2021 میں جولائی تا جنوری 13 ارب 89 کروڑ رہی جو ملک کی ترسیلات زر پر بڑھتے ہوئے انحصار کی عکاسی کرتی ہے۔

 اس عرصے میں متحدہ عرب امارات سے 3.4 ارب ڈالر کی ترسیلات زر موصول ہوئیں، برطانیہ سے 2.2 ارب اور امریکا سے 1.4 ارب ڈالر کی ترسیلات زر موصول ہوئیں۔ ترسیلات زر کے لیے پاکستان حکومت اور اسٹیٹ بینک مسلسل آسانیاں پیدا کر رہے ہیں۔ ترسیلات زر میں متواتر اضافہ بڑی حد تک بینکاری ذرائع کے بڑھتے استعمال کا عکاس ہے، باضابطہ ذرائع سے رقوم کی آمد کے فروغ میں حکومت اور اسٹیٹ بینک کی کوششیں شامل ہیں۔ رقوم کے تبادلے کی مارکیٹوں میں نئے ضوابط متعارف کروائے جا رہے ہیں، جس کے نتیجے میں ترسیلات زر میں اضافہ ہو رہا ہے۔