پاک فوج خون کے آخری قطرے تک ملک کا دفاع کر ے گی ،آرمی چیف

بری فوج کے سربراہ جنرل سید عاصم منیرنے کہاہے کہ پاک فوج خون کے آخری قطرے تک مادروطن کے چپے چپے کے دفاع کامقدس فریضہ سرانجام دیتی رہے گی۔وہ پشاورمیں پہلی قومی ورکشاپ خیبرپختونخوا کے شرکا سے خطاب کرتے ہوئے کہا کہ قوم کو مسلح افواج کے کارناموں پر فخر ہے۔

بری فوج کے سربراہ نے کہا کہ خیبرپختونخوا کے عوام کی سکیورٹی فورسز کی غیر متزلزل حمایت کے نتیجے میں صوبے کو استحکام آیا ہے اور سماجی و اقتصادی ترقی کے منصوبوں کو عملی شکل ملی ہے۔

سید عاصم منیر نے کہا کہ پاکستان کے استحکام اور امن کو تباہ کرنے والی قوتوں کے مذموم عزائم کو جامع حکمت عملی سے ناکام بنایاجارہاہے۔