جی این این سوشل

پاکستان

نگراں وزیر داخلہ کا پاکستان سے دہشت گردی کے خاتمے کے عزم کا ارادہ

نگراں وزیر داخلہ سرفراز بگٹی نے دہشت گردی کی لعنت کے خاتمے کے لیے پاکستان کے پختہ عزم کا اعادہ کیا ہے

پر شائع ہوا

کی طرف سے

نگراں وزیر داخلہ کا پاکستان سے  دہشت گردی کے خاتمے کے عزم کا ارادہ
جی این این میڈیا: نمائندہ تصویر

اسلام آباد: نگراں وزیر داخلہ سرفراز بگٹی نے دہشت گردی کی لعنت کے خاتمے کے لیے پاکستان کے پختہ عزم کا اعادہ کیا ہے۔

پیر کو اسلام آباد میں پولیس لائنز میں ایک تقریب سے خطاب کرتے ہوئے انہوں نے کہا  کہ ہمیں اس دہشتگردی کی  لعنت کا اجتماعی اور مستقل مزاجی سے مقابلہ کرنا ہے،انہوں نے کہا کہ پاکستان ہی اس جنگ میں فاتح ہوگا۔


ملک کے قیام کے بعد سے ہی اس کے خلاف رچی جانے والی سازشوں کا ذکر کرتے ہوئے وزیر داخلہ نے ان سازشوں کو ناکام بنانے کے لیے سیکیورٹی فورسز کی جانب سے دی گئی بے مثال قربانیوں کو اجاگر کیا۔

انہوں نے کہا کہ ان بہادر افراد نے ہمارے بہتر مستقبل کے لیے اپنی جانوں کا نذرانہ پیش کیا اورکہا  کہ ان کی خدمات کو ہمیشہ سنہرے الفاظ میں یاد رکھا جائے گا۔

تجارت

8فروری کے متنازع انتخابات کے باعث سیاسی خطرات زیادہ ہیں،موڈیز

نئی مخلوط حکومت کو آئی ایم ایف سے نیا قرض پروگرام، دیگر ممالک  اور اداروں سے قرض کا حصول مشکل ہوگا، رپورٹ

پر شائع ہوا

ویب ڈیسک

کی طرف سے

8فروری کے متنازع انتخابات کے باعث سیاسی خطرات زیادہ ہیں،موڈیز

عالمی ریٹنگ ایجنسی موڈیزنے کہا ہے کہ 8فروری کے متنازع انتخابات کے باعث سیاسی خطرات زیادہ ہیں، نئی مخلوط حکومت کا مینڈیٹ مشکل اصلاحات کےلئے زیادہ مضبوط نہیں ہے۔

عالمی ریٹنگ ایجنسی موڈیزنے پاکستان کی سیاسی و معاشی صورتحال پر اپنی رپورٹ جاری کرتے ہوئے کہا ہے کہ نئی مخلوط حکومت کےلئے غیر یقینی صورتحال برقرار رہے گی۔پاکستان کو زرمبادلہ ذخائر اور ریونیو میں بہتری لانا ہوگی،  قرضوں پرڈیفالٹ کی صورت میں پاکستان کی ریٹنگ ڈاؤن گریڈ ہوسکتی ہے۔

موڈیز نے پاکستان کی آؤٹ لک مستحکم لیکن طویل مدتی سی اے اے تھری ریٹنگ برقرار رکھتے ہوئے کہا ہےکہ پاکستان کو بیرونی مالی ضروریات کا سامنا ہے اور زرمبادلہ ذخائر ناکافی ہیں، پاکستانی معیشت کو قلیل، وسط مدت کے دوران انتہائی بلند مالی خطرات درپیش ہیں۔

 موڈیز کے مطابق آئی ایم ایف سے نیا قرض پروگرام، دیگر ممالک  اور اداروں سے قرض کا حصول مشکل ہوگا، مالی اوربیرونی خطرات میں کمی پر پاکستان کی ریٹنگ بہتر ہوسکتی ہے۔ پاکستانی معیشت کو قلیل، وسط مدت کے دوران انتہائی بلند مالی خطرات درپیش ہیں۔

 

پڑھنا جاری رکھیں

پاکستان

صدر مملکت کی منظوری کے بغیر قومی اسمبلی کا اجلاس طلب

جلاس کل صبح دن بجے طلب کر لیا گیا،قومی اسمبلی سیکرٹریٹ

پر شائع ہوا

ویب ڈیسک

کی طرف سے

صدر مملکت کی منظوری کے بغیر قومی اسمبلی کا اجلاس طلب

 صدر مملکت ڈاکٹر عارف علوی کی منظوری کے غیر قومی اسمبلی کا اجلاس طلب کر لیا گیا۔

قومی اسمبلی کا اجلاس کل صبح 10 بجے طلب کیا گیا ہے، قومی اسمبلی اجلاس کا نوٹیفکیشن سیکرٹری اسمبلی کی جانب سے جاری کیا گیا ہے۔

واضح رہے کہ نومنتخب اراکین اسمبلی اسلام آباد پہنچ گئے تھے مگر اجلاس کا فیصلہ نہ ہوسکا تھا کیونکہ صدر ڈاکٹر عارف علوی نے 48 گھنٹے گزرنے کے باوجود نئی سمری کی منظوری بھی نہیں دی۔

پڑھنا جاری رکھیں

پاکستان

پی ٹی آئی کا مخصوص نشستوں پر ڈاکہ عوامی مینڈیٹ لوٹنے کےحصہ قرار

عوامی مینڈیٹ پر ڈاکہ ڈالنے والے الیکشن کمیشن کی شرمناک سہوتکاری سے مخصوص نشستوں کو غیرآئینی طور پر مینڈیٹ چوروں میں بانٹنے کامنصوبہ بنا رہے ہیں، پی ٹی آئی

پر شائع ہوا

ویب ڈیسک

کی طرف سے

پی ٹی آئی کا مخصوص نشستوں پر ڈاکہ عوامی مینڈیٹ لوٹنے کےحصہ قرار

پاکستان تحریک انصاف نے خواتین اور اقلیّتوں کی مخصوص نشستوں پر ڈاکہ عوامی مینڈیٹ لوٹنے کے شرمناک ریاستی منصوبے کا حصہ قرار دے دیا۔

اپنے بیان میں پارٹی ترجمان نے کہا ہے کہ عوامی مینڈیٹ پر کھلا ڈاکہ ڈالنے والے الیکشن کمیشن کی شرمناک سہولتکاری سے مخصوص نشستوں کو غیرآئینی طور پر مینڈیٹ چوروں میں بانٹنے کے ناقابلِ قبول منصوبے بنا رہے ہیں، دستور کا آرٹیکل 51 مخصوص نشستوں کی تقسیم کے بنیادی اصولوں کو نہایت صراحت سے بیان کرتا ہے۔

ترجمان کے مطبق خواتین اور اقلیّتوں کی مخصوص نشستوں کو جنرل سیٹوں کے تناسب سے ہی تقسیم ہونا ہے، سنّی اتحاد کونسل مرکز، پنجاب اور خیبرپختونخوا میں سب سے زیادہ نشستیں رکھنے والی پارلیمانی جماعت ہے اور مخصوص نشستوں کی فراہمی میں لیت و لعل اکثریت کو غیرقانونی طور پر جبراً اقلیت میں بدلنے کے غیرآئینی اور غیرجمہوری منصوبے کا حصہ ہے۔

ترجمان تحریک انصاف اپنے بیان میں مزید کہا کہ جمہوریت کو غیرآئینی و غیرقانونی عزائم کا اسیر بنا کر عوام کے مینڈیٹ کو پامال کرنے کی اجازت ہرگز نہیں دیں گے، جعلی فارم 47 کے ذریعے چھینی گئی قومی و پنجاب اسمبلی کی نشستیں بھی واپس لیں گے اور مخصوص نشستوں کی غیرآئینی بندربانٹ کی بھی بھرپور مزاحمت کریں گے۔

پڑھنا جاری رکھیں

ٹرینڈنگ

Take a poll