شاہد آفریدی کا معصوم فلسطینی بچوں کیلئے پیغام

تفصیلات کے مطابق سابق  کپتان شاہد خان آفریدی بھی فلسطینیوں پر ہونے والے مظالم کے خلاف ان کی حمایت میں میدان میں آگئے ،    شاہد آفریدی نے  سماجی رابطے کی ویب سائٹ ٹوئٹر پر تصاویر شئیر کی ہیں جس میں وہ    اپنی بیٹی کے  ساتھ فلسطین کا جھنڈا اٹھائے  ہوئے نظر آرہے ہیں ۔

انہوں نے لکھا کہ "  یہ پیغام فلسطین کے بچوں کیلئے ہے ، یہاں دور بہت دور ہیں ہم،مگر یہ دل ہمارے دھڑکتے ہیں تمہارے ساتھ،اسی طرح جس طرح سے ہمارے آبا اور ان کے آبا ء کے دل،تمہارے اجداد کے ساتھ دھڑکتے تھے۔" شاہد آفریدی نے مزید لکھا کہ دکھ، اندیشہ، خوف اور فکر کی تمام گرہیں عارضی ہیں،غم کی تمام راہیں عارضی ہیں۔ انہوں نے ہیش ٹیگ "فلسطین آزاد ہو " بھی لکھا ۔

یہ پیغام ارض فلسطین کے بچو تمہارے لئے ہے
یہاں دور بہت دور ہیں ہم،
مگر یہ دل ہمارے دھڑکتے ہیں تمہارے ساتھ،
اسی طرح جس طرح سے ہمارے آبا اور ان کے آبا کے دل،
تمہارے اجداد کے ساتھ دھڑکتے تھے
دکھ، اندیشہ، خوف اور فکر کی تمام گرہیں عارضی ہیں
غم کی تمام راہیں عارضی ہیں!#آزاد_فلسطین_ہو pic.twitter.com/9b3FZfCbyK

— Shahid Afridi (@SAfridiOfficial) May 19, 2021

شاہد آفریدی کے اس پیغام کو  مداحوں کی جانب سے بے حد سراہا جارہا ہے ۔  

واضح رہے کہ مغربی کنارے اور غزہ کی پٹی میں اسرائیل کی جارحیت  گیارہویں  روز بھی جاری رہی۔ عرب میڈیا کے مطابق اسرائیلی جارحیت کے باعث 64 بچوں سمیت 227 فلسطینی شہید ہوچکے ہیں۔