پاکستان میں روزگار کے 10 ہزار مراکز قائم کیے جا رہے ہیں، عمر سیف

اسلام آباد: نگراں وزیر برائے انفارمیشن ٹیکنالوجی اور ٹیلی کمیونیکیشن عمر سیف کا کہنا ہے کہ فری لانسرز کے لیے ڈیجیٹل پیمنٹ گیٹ ویز کا دیرینہ مسئلہ کامیابی سے حل ہو گیا ہے۔

عمر سیف نے کہا کہ ایک پائلٹ پراجیکٹ اگلے ماہ کی پہلی تاریخ سے ایک لاکھ اکاؤنٹس بنائے گا جس سے فری لانسرز براہ راست ان کے ذریعے اپنی ادائیگیاں وصول کر سکیں گے۔

وفاقی وزیر نے کہا کہ تقریباً دس ہزار روزگار کے مراکز قائم کیے جا رہے ہیں جہاں فری لانسرز ایک ہی چھت کے نیچے مختلف سہولیات سے لطف اندوز ہوں گے۔

انہوں نے کہا کہ یہ مراکز سالانہ آئی ٹی برآمدات کو دس ارب روپے تک بڑھانے میں مدد کریں گے، اس کے علاوہ تقریباً ایک لاکھ فری لانسرز کو ملازمت فراہم کی جائے گی۔

عمر سیف نے کہا کہ دو لاکھ آئی ٹی گریجویٹس کے لیے عالمی معیار کا تربیتی پروگرام بھی شروع کیا جا رہا ہے۔

موبائیل فون مینوفیکچرنگ کمپنیوں کی سہولت کے لیے وزیر ریسرچ اینڈ ڈویلپمنٹ فنڈز بھی قائم کیے جا رہے ہیں۔