پشاور: ائیر پورٹ پر کورونا کے مریض کی نشاندہی کیلئے کتوں کی مدد لی جائیگی

تفصیلات کےمطابق نیشنل کمانڈ اینڈ آپریشن سینٹر  (این سی او سی) کا بڑا فیصلہ ،  پشاورایئرپورٹ پر سراغ رساں کتوں کی مدد سے کورونا کےمریض کی نشاندہی کی جائے گی۔ اسلام آباد ائیرپورٹ کے بعد پشاورایئرپورٹ پر سراغ رساں کتوں کی مدد سے کورونا کےمریض کی نشاندہی کیا جائے گی۔

جی این این کے مطابق  آرمی کینائن سینٹر کے ٹرینڈ کتوں کی مدد سے پشاور ائیرپورٹ پر کورونا مریضوں کی نشاندہی ہوگی۔پشاور ایئرپورٹ پر خصوصی ہیلتھ ڈیسک قائم کی جائے گی۔

اے سی سی کی ٹیم محکمہ صحت کی ٹیم کی معاونت کرے گی۔سراغ رساں کتوں کو کورونا مریضوں کی نشاندہی کے لیے استعمال کیا جائے گا۔ہیلتھ ڈیسک باچا خان ایئرپورٹ کے انٹرنیشنل ایرائیول لاؤنج میں بنانے کی ہدایت کی گئی ہے۔تمام انٹرنیشنل پروازوں کے مسافروں کے سویپ ٹیسٹ کو سراغ رساں کتے  چیک کریں گے۔

ترجمان سی اے اے کا کہنا ہے کہ  دنیا کے مختلف ممالک کے ایئرپورٹس پر کورونا مسافروں کی نشاندہی کے لیے سراغ رساں کتوں کا استعمال کیا جارہا ہے۔

رواں ماہ نیشنل کمانڈ اینڈ آپریشن سینٹر (این سی او سی) نے کتوں کی ٹیم کی اسلام آباد ائیرپورٹ پر تعیناتی کی منظوری دے دی تھی۔