اسرائیلی فورسز کے حمایت یافتہ اسرائیلی آباد کاروں کا مسجد اقصیٰ پر حملہ

غیر ملکی خبر رساں ادارے کے مطابق  جنگ بندی کے تیسرے روز اسرائیلی فورسز  کے حمایت یافتہ اسرائیلی آباد کاروں نے مسجد اقصیٰ پر حملہ کردیا ہے۔

بیت المقدس  کی نگرانی کرنے والی اسلامی اتھارٹی کے مطابق ، اسرائیلی پولیس نے بھاری ہتھیاروں سے لیس اسرائیلی اسپیشل فورسز کے ساتھ درجنوں یہودی آباد کاروں نے مقبوضہ مشرقی یروشلم میں مسجد اقصی کے احاطے میں علی الصبح حملہ کیا۔

غیر ملکی خبررساں ایجنسی  نے عینی شاہدین کا حوالہ دیتے ہوئے کہا ہے کہ اسرائیلی پولیس نے اتوار کے روز مسجد میں فجر کی نماز پڑھنے والے فلسطینی نمازیوں پر حملہ کیا تھا اور اسرائیلی یہودی آباد کاروں کو اس کمپاؤنڈ میں حملہ کرنے کے لئے راستہ بنانے کے لئے انھیں "حد سے زیادہ پیٹا" تھا۔

غیر ملکی خبررساں ایجنسی کا مزید کہنا تھا کہ  اس واقعہ کی ویڈیو  بنانے کی کوشش کرنے کی وجہ سے  مسجد اقصیٰ کے ایک محافظ فادی الیان اور کم و بیش چھ فلسطینیوں کو گرفتار کیا گیا تھا۔

اسرائیلی پولیس نے  مسجد  اقصی کے راستے جانے والے دروازوں پر پابندیاں بڑھا دیں ہیں  اور 45 سال سے کم عمر کے نمازیوں کو مسجد میں داخل ہونے سے روک دیا۔