حکومت ملی تو ملک کی تقدیر بدل دیں گے ،بلاول بھٹو زرداری

پاکستان پیپلزپارٹی کے چیئرمین بلاول بھٹو زرداری نے کہا ہے کہ ان کی جماعت ملک میں عوام دوست اور جمہوری حکومت قائم کرے گی۔

بلاول بھٹو زرداری  نے جمعرات کے روز گجرات میں ایک جلسہ عام سے خطاب کرتے ہوئے کہاکہ پاکستان پیپلزپارٹی نے اپنا منشور عوام کے سامنے پیش کردیا ہے ۔

انہوں نےکہا  کہ پاکستان پیپلزپارٹی اقتدار میں آنے پر عوام کو سہولت مہیا کرے گی اور بے روزگاری ، افراط زر اور غربت جیسے مسائل سے نمٹے گی۔

انہوں نے کہا کہ پیپلزپارٹی نے اپنا منشور عوام کے سامنے رکھ دیا ہے لیکن چار بار وزیر اعظم بننے والوں کے پاس کسی قسم کو کوئی منشور نہیں ہے ۔ 

بلاول بھٹو نے کہا کہ اکثریت حاصل کر کے پاکستان میں حکومت بنائیں گے ، انہوں نے کہ اگر ہمیں حکومت ملی تو ملک کی تقدیر بدل دیں گے ۔