پنجاب میں نمونیا کے باعث مزید 7 بچے دم توڑ گئے

لاہور: پنجاب میں نمونیا سے اموات کا سلسلہ نہ رک سکا اور گزشتہ 24 گھنٹوں کے دوران مزید 7 بچے دم توڑ گئے۔

نمونیا سے مرنے والے بچوں کی عمریں نوزائیدہ سے لے کر چار سال کے درمیان ہیں جن میں شیخوپورہ اور گوجرانوالہ سے دو دو جبکہ لاہور، بہاولپور اور راولپنڈی کا ایک ایک بچہ شامل ہے۔

سات دنوں کے دوران یہ بیماری 68 معصوم بچوں کی جانیں نگل چکی ہے اور رواں سال اب تک 240 اموات ہوچکی ہیں۔

پنجاب بھر میں 24 گھنٹوں کے دوران مزید 942 مریض رپورٹ ہوئے ہیں، صرف لاہور سے 24 گھنٹوں میں 212 مریض نمونیہ کا شکار ہوئے۔

سال 2024 شروع ہوتے ہی صوبے میں 13,661 بچے اس بیماری کا شکار ہوئے۔