پی ٹی آئی رہنما حماد اظہر کے والد اور سابق گورنر پنجاب میاں اظہر گرفتار

پی ٹی آئی رہنما حماد اظہر کے والد اور سابق گورنر پنجاب میاں اظہر کو حراست میں لے لیا گیا۔

میاں اظہر پاکستان تحریک انصاف کی طرف سے حلقہ این اے 129 کی انتخابی مہم میں مصروف تھے جس کے دوران انہیں حراست میں لیا گیا۔

حماد اظہر نے ٹویٹ کرتے ہوئے بتایا کہ والد میاں اظہر کو انتخابی ریلی نکالنے پر گرفتار کیا گیا۔ دوسری طرف پولیس کا کہنا ہے کہ الیکشن کمیشن کے ضابطہ اخلاق کی خلاف ورزی پر یہ کارروائی کی گئی۔

پی ٹی آئی پنجاب کے صدر @Hammad_Azhar کے 82 سالہ والد میاں اظہر کو پولیس نے گرفتار کر لیا۔ کوئی شرم ہوتی ہے کوئی حیا ہوتی ہے- یہ ہے فری اینڈ فیئر الیکشن؟ جنگل کا قانون رائج ہے pic.twitter.com/xgYMZFgPUy

— PTI (@PTIofficial) January 28, 2024

پاکستان تحریک انصاف نے آج لاہور میں ریلی نکالنے کا اعلان کیا ہے۔ اس حوالے سے پنجاب بھر میں دفعہ 144 کا نفاذ ہے۔

پولیس اور سادہ کپڑوں میں اہلکار رات گئے سے پی ٹی آئی کے امیدواروں کے گھروں کے باہر موجود ہیں۔

بانی پی ٹی آئی عمران خان نے لاہور کے تمام قومی و صوبائی اسمبلی کے امیدواران کو آج پاور شو کرنے کی ہدایت کر رکھی ہے۔