بیروزگار نوجوانوں کو بینظیر یوتھ کارڈ دیں گے،بلاول بھٹو زرداری

سابق وزیر خارجہ و چیئرمین پاکستان پیپلز پارٹی بلاول بھٹو زرداری کا کہنا ہے کہ بیروزگار نوجوانوں کو بینظیر یوتھ کارڈ دیں گے۔

 چیئرمین پاکستان پیپلز پارٹی بلاول بھٹو زرداری نے چھاچھرو میں جلسے سے خطاب کرتے ہوئے کہا ہے کہ تھرپارکر اور چھاچھرو کے عوام نے آج اپنا فیصلہ سنا دیا ہے ، انہوں نے کہا کہ الیکشن 8 فروری کو ہونے جا رہے ہیں، ایک شخص چوتھی بار اس ملک پر مسلط ہونے کی کوشش کر رہا ہے، اگر آپ تیر پر مہر لگائیں تو دنیا کی کوئی طاقت میرا راستہ نہیں روک سکتی۔

بلاول بھٹو زرداری نے کہا کہ دوسرے یہاں، وہاں دیکھ رہے ہیں، میں پاکستان کے عوام سے ووٹ مانگ رہا ہوں، مہنگائی،غربت اور بیروزگاری عوام کے سب سے بڑے مسائل ہیں۔

سابق وزیر خارجہ نے کہا کہ پاکستان کے عوام کیلئے 30 لاکھ  پکے گھر بنا کر دوں گا، وعدہ ہے مجھے وفاقی حکومت ملتی ہے تو آمدنی میں دگنا اضافہ کروں گا۔