لاہور کا تاریخی والٹن ائیرپورٹ ہمیشہ کیلئے بند، نوٹیفکیشن جاری

تفصیلات کے مطابق  لاہور کا تاریخی والٹن ائیرپورٹ ہمیشہ کیلئے بند کردیا گیا۔سول ایوی ایشن اتھارٹی نے حکم جاری کردیا ہے۔ائیرپورٹ پرفلائنگ کلبز کو تمام طیارے گراونڈ کرنے کی ہدایت کردی گئی۔

ائیرپورٹ مینجر نے احکامات جاری کرتے ہوئے کہا ہے کہ آج آخری پروازیں اڑالیں کل سےائیر پورٹ استعمال نہیں ہوگا۔

فلائنگ کلبز انتظامیہ کا کہنا ہے کہ  والٹن ایئرپورٹ پر اس وقت 200 سے زائد سٹوڈنٹ پائلٹ زیر تربیت ہیں۔

ذرائع کے مطابق  ائیرپورٹ بند ہونے سے پانچ فلائنگ کلبز اور حکومت کا پلانٹ پروٹیکشن ڈیپارٹمنٹ متاثر ہوگا ۔

حکام کا کہنا ہے کہ  والٹن ایئرپورٹ کو ختم کر کے بزنش ڈسٹرکٹ کی جگہ بنائی جارہی ہے ۔ پنجاب حکومت نے بزنس ڈسٹرکٹ کا باقاعدہ نوٹیفکیشن بھی جاری کررکھا۔

حکام کے مطابق والٹن ائیرپورٹ سے تربیتی پروازوں کو عارضی طور پرعلامہ اقبال انٹرنیشنل ایئرپورٹ پر منتقل کیا جارہا ہے ۔ والٹن ائیرپورٹ کی جگہ نئے فلائنگ کلب کیلئے مرید کے میں جگہ مختص کی جاچکی ہے ۔ ٹینڈر مکمل ہونے کے بعد آئندہ چھ سے سات ماہ میں فلائنگ کلب مریدکے میں تعمیر کر لیا جائے گا۔

واضح رہے کہ  پنجاب حکومت تاریخی والٹن ائیرپورٹ کو مسمار کرکےبزنس ڈسٹرکٹ قائم کرنے کا اعلان کرچکی ہے، والٹن ائیرپورٹ کو مسمار کرنے کیلئے فلائنگ کلبز اپنا احتجاج ریکارڈ کرا چکی ہیں، تاریخی والٹن ائیرپورٹ پرقائد اعظم سمیت اہم شخصیات کےطیارےاتر چکے ہیں۔