شہباز شریف نے لاہور کے حلقہ این اے 127 میں ووٹ کاسٹ کیا

لاہور: سابق وزیراعظم اور پاکستان مسلم لیگ (ن) کے صدر شہباز شریف نے لاہور کے حلقہ این اے 127 کے پولنگ اسٹیشن نمبر 82 میں اپنا ووٹ کاسٹ کیا۔

شہباز شریف نے کہا کہ پاکستان کی ترقی کے لیے ووٹ دیں گے تو ملک کی تقدیر بدل جائے گی۔ عوام نواز شریف کو موقع دیں تو نفرتیں مٹا کر پاکستان کی تقدیر بدل دیں گے۔ ٹرانسپیرنسی انٹرنیشنل نے ہمارے دور حکومت کی کارکردگی کو سراہا ہے تو پاکستان کے وقار میں بھی اضافہ کیا ہے۔

واضح رہے کہ عام انتخابات کے لیے پولنگ کا وقت شروع ہوگیا ہے، پولنگ شام 5 بجے تک بغیر کسی وقفے کے جاری رہے گی۔ آج 12 کروڑ سے زائد ووٹرز قومی اور صوبائی اسمبلیوں کے 855 حلقوں میں امیدواروں کا انتخاب کریں گے۔