بڑا اپ سیٹ، کھوسہ نے خواجہ کو ہرا دیا

ٹاکرے کا مقابلہ، لاہور کے حلقہ این اے 122 میں پی ٹی آئی کے رہنما اور حمایت یافتہ آزاد امیدوار سردار لطیف کھوسہ نے مسلم لیگ ن کے مضبوط امیدوار خواجہ سعد رفیق کو ہرا دیا۔  خواجہ سعد رفیق کو آزاد امیدوار سردار لطیف کھوسہ نے بڑے مارجن سے شکست دی۔

این اے 122 سے آزاد امیدوار سردار لطیف کھوسہ ایک لاکھ 17 ہزار 109 لیکر کامیاب ہوئے جبکہ لیگی امیدوار خواجہ سعد رفیق 77 ہزار 907 ووٹ لیکر دوسرے نمبر پر رہے۔ 

سوشل میڈیا پلیٹ فارم ایکس پر اپنے پیغام میں خواجہ سعد رفیق نے ہار تسلیم کرتے ہوئے سردار لطیف کھوسہ کو مبارکباد پیش کر دی۔

سردار لطیف کھوسہ صاحب کو دلی مبارکباد

عوامی فیصلے پر خوش دلی سے
سر ِ تسلیم خم

اللّٰہ کریم آنیوالی پارلیمان کو متحد ھو کر قومی بحرانوں پر قابو پانے کی توفیق و تقویت عطا فرماۓ
آمین

— Khawaja Saad Rafique (@KhSaad_Rafique) February 9, 2024

ان کا کہنا تھا کہ عوامی فیصلے پر خوش دلی سے سر تسلیم خم کرتا ہوں۔ اللہ کریم آنے والی پارلیمان کو متحد ہو کر قومی بحرانوں پر قابو پانے کی توفیق و تقویت عطا کرے! آمین۔