مسلم لیگ ق کے سربراہ چوہدری شجاعت حسین کی رہائش گاہ پر سیاسی سرگرمیاں

لاہور: مسلم لیگ ق کے سربراہ چوہدری شجاعت حسین کی رہائش گاہ پر سیاسی سرگرمیاں شروع ہو گئی ہیں۔

ذرائع کے مطابق مسلم لیگ ن کے قائد میاں نواز شریف کی آج چوہدری شجاعت حسین سے ملاقات کا امکان ہے۔

ذرائع کا کہنا ہے کہ نواز شریف آج چوہدری شجاعت حسین کی رہائش گاہ ظہور الہیٰ روڈ آئیں گے، تاہم نواز شریف اور چوہدری شجاعت حسین کے درمیان ملاقات دوپہر کو ہوگی۔

اس کے علاوہ سابق صدر آصف علی زرداری اور پاکستان مسلم لیگ ن کے قائد نواز شریف کے درمیان بھی ملاقات آج ہو گی جس میں حکومت سازی کے حوالے سے بات چیت ہو گی۔

واضح رہے کہ گزشتہ روز حکومت سازی کے لئے مسلم لیگ ن کے صدر شہباز شریف نے بھی پیپلز پارٹی کے رہنما آصف علی زرداری سے ملاقات کی تھی۔

ذرائع نے مزید بتایا کہ ملاقات میں نواز شریف چوہدری شجاعت حسین سے وفاق اور پنجاب میں حکومت سازی کے لئے تعاون کی درخواست کریں گے۔