الیکشن کمیشن نے حلقہ این اے 71 سیالکوٹ کے انتخابی نتائج روک دیئے

الیکشن کمیشن نے ریحانہ ڈار کی درخواست پر این اے 71 سے خواجہ آصف کی فتح کا نتیجہ روکتے ہوئے ریٹرننگ آفیسر سے رپورٹ طلب کرلی۔

پی ٹی آئی کی حمایت یافتہ آزاد امیدوار ریحانہ ڈار نے الیکشن کمیشن میں درخواست دائر کی ہے کہ وہ این اے 71 سیالکوٹ سے امیدوار ہیں، ان کے ساتھ دھاندلی ہوئی اور مخالف امیدوار ن لیگ کے رہنما خواجہ آصف کے دھاندلی کے ذریعے ووٹ بڑھائے گئے۔

الحمداللہ!
الیکشن کمیشن نے این اے 71 کے انتخابی نتائج جاری کرنے سے روک دیاہے، آر او کو نتائج کی تفصیلات کے ہمراہ 14 فروری کو اسلام آباد ریکارڈ سمیت طلب کیا گیا ہے۔ خواجہ آصف کی جھوٹی جیت انشااللہ شکست میں بدلنے جا رہی ہے۔

— Rehana Dar (@RehanaImtiazDar) February 12, 2024

الیکشن کمیشن نے درخواست پر سماعت کرتے ہوئے این اے 71 کا نتیجہ روک دیا اور متعلقہ آر او سے رپورٹ طلب کرتے ہوئے سماعت 14 فروری تک ملتوی کر دی۔