الیکشن کمیشن  نے پی ٹی آئی رہنما علی امین گنڈاپور کی کامیابی کا نوٹیفکیشن جاری کر دیا

الیکشن کمیشن  نے وزیر اعلیٰ خیبر پختونخوا کے لیے نامزد امیدوار علی امین گنڈاپور کی کامیابی کا نوٹیفکیشن بعد جاری کردیا۔

الیکشن کمیشن کی جانب سے انتخابات میں کامیاب اراکین اسمبلی کے نوٹیفکیشن جاری کئے جا رہے ہیں۔ آج بھی الیکشن کمیشن نے کئی صوبائی اور قومی اسمبلیوں کے نوٹیفکیشن جاری کئے، تاہم، ان میں علی امین گنڈاپور کا نام کہیں شامل نہیں کیا گیا۔

نامزد وزیراعلی خیبرپختونخوا علی امین گنڈاپور کی کامیابی کا نوٹیفکیشن جاری۔ pic.twitter.com/38orXtz3UG

— PTI (@PTIofficial) February 18, 2024

الیکشن کمیشن نے پی کے 113 پر علی امین گنڈا پور کی کامیابی کا نتیجہ روک دیا تھا، جبکہ ڈیرہ اسماعیل خان سے کامیاب باقی چار امیدواروں کے نتائج جاری کردیئے گئے تھے۔ تاہم کچھ دیر بعد الیکشن کمیشن نے کے پی کے میں پی ٹی آئی کے نامزد وزیراعلیٰ علی امین گنڈاپور کی کامیابی کا نوٹیفکیشن جاری کردیا۔

الیکشن کمیشن کی جانب سے جاری نوٹیفکیشن کے مطابق علی امین گنڈاپور این اے 44 اور پی کے 113 ڈیرہ اسماعیل خان سے فاتح قرار پائے ہیں۔