پی ایس ایل 9، کراچی کنگز کاملتان سلطانز کے خلاف ٹاس جیت کر فیلڈنگ کا فیصلہ

پاکستان سپر لیگ کے نویں ایڈیشن کے تیسرے  میچ میں کراچی کنگز نے ملتان سلطانز کے خلاف ٹاس جیت کر فیلڈنگ کا فیصلہ کیا ہے۔

ملتان میں کھیلے جارہے میچ میں کراچی کنگز کے کپتان شان مسعود نے ٹاس جیت کر سلطانز کو بیٹنگ کی دعوت دے دی۔

کراچی کنگز کے کپتان شان مسعود نے ٹاس جیت کر کہا کہ میگا ایونٹ کا آغاز کامیابی سے کرنا چاہتے ہیں، دوسری اننگز میں بلے بازوں کو مدد ملنے کی توقع ہے اس لئے ٹاس جیت کر پہلے فیلڈنگ کر رہے ہیں۔

? TOSS UPDATE ?

Karachi Kings win the toss and opt to field first ?

Follow ball-by-ball updates: https://t.co/9vd3xk9QT7#HBLPSL9 | #KhulKeKhel | #MSvKK pic.twitter.com/D1JttG7ybz

— PakistanSuperLeague (@thePSLt20) February 18, 2024

 دوسری جانب ملتان سلطانز کے کپتان محمد رضوان نے کہا کہ ہوم گراؤنڈ ہے اور شاہقین بھی بڑی تعداد میں سپورٹ کرنے کے لئے آئے ہیں، ہم ہوم کراؤڈ کے سامنے میگا ایونٹ کی شروعات سے جیت سے کرنا چاہتے ہیں، ٹیم بھی بیلنس ہے، احسان اللہ کی کمی محسوس ہو گی۔

اس سے قبل پاکستان سپر لیگ میں اتوار کو کھیلے گئے پہلے  میچ میں کوئٹہ گلیڈی ایٹرز نے پشاور زلمی کو با آسانی 16 رنز سے شکست دے دی۔ کوئٹہ گلیڈی ایٹرز کے 207 رنز کے ہدف کے تعاقب میں پشاور زلمی کی ٹیم مقررہ 20 اوورز میں 190 رنز بنا سکی، بابر 68 رنز بناکر نمایاں رہے۔