پی ایس ایل9، لاہور قلندرز  کاکوئٹہ گلیڈی ایٹرز کے خلاف ٹاس جیت کر  بیٹنگ کا فیصلہ

پی ایس ایل سیزن 9 کے چوتھے میچ میں لاہور قلندرز  نےکوئٹہ گلیڈی ایٹرز کے خلاف ٹاس جیت کر  بیٹنگ کا فیصلہ کیا ہے۔

لاہور کے قذافی اسٹیڈیم میں کھیلے جارہے میچ میں قلندرز کے کپتان شاہین آفریدی نے ٹاس جیتا اور پہلے بیٹنگ کا فیصلہ کیا۔لاہور قلندرز کے آل راؤنڈر  ڈیوڈ ویسا کو آج کے میچ میں آرام دیا گیا ہے، ٹیم منیجمنٹ کا کہنا ہےکہ  ڈیوڈویسا کو ٹانگ میں ہلکی تکلیف کے باعث احتیاطی طور  پر آرام دیا گیا ہے۔

? TOSS UPDATE ?

Lahore Qalandars win the toss and elect to bat first ?

Follow ball-by-ball updates: https://t.co/5EIrv5EBe8#HBLPSL9 | #KhulKeKhel | #LQvQG pic.twitter.com/wBAryQiSfB

— PakistanSuperLeague (@thePSLt20) February 19, 2024

ایک طرف جہاں لاہور قلندرز میں شاہین شاہ آفریدی، فخر زمان، عبداللہ شفیق، راسی وان دیر دوسین، حارث رؤف اور زمان خان جیسے مضبوط کھلاڑی موجود ہیں، وہیں کوئٹہ گلیڈئیٹرز میں ول سمیڈ، لوری ایوان، جیسن رائے، سعود شکیل، سرفراز احمد، ابرار احمد اور وانندو ہارانگا جیسے کھلاڑی بھی موجود ہیں۔

گزشتہ  روز  پاکستان سپر لیگ  کے نویں ایڈیشن میں اپنے پہلے میچ میں کوئٹہ گلیڈی ایٹرز نے پشاور  زلمی کو 16 رنز سے شکست دی تھی جب کہ ایک روز قبل اپنے پہلے میچ میں قلندرز کو  اسلام آباد یونائیٹڈ کے ہاتھوں 8 وکٹوں سے شکست کا سامنا کرنا پڑا تھا۔