ملک سے بیروز گاری کے خاتمے کیلئے پر عزم ہیں ، اسحا ق ڈار

پاکستان مسلم لیگ ن کے رہنما اسحاق ڈار نے کہا ہے کہ ان کی جماعت ملک سے بیروز گاری اور غربت کے خاتمے کیلئے پُرعزم ہے۔

انہوں نے آج لاہور میں صحافیوں سے گفتگو کرتے ہوئے کہا کہ عوام کے مسائل حل کرنا ہماری جماعت کیلئے حقیقی چیلنج ہے۔

تفصیلات کے مطابق پنجاب اسمبلی کے باہر میڈیا سے گفتگو کرتے ہوئے اسحاق ڈار نے کہا کہ تحریک انصاف کا آئی ایم ایف کو خط لکھنا افسوسناک اورقابل مذمت ہے، بانی پی ٹی آئی کو آئی ایم ایف کو خط نہیں لکھنا چاہیے، حکومت دوسری پارٹیوں کے ساتھ ملکر بن رہی ہے،ہر چیز ڈیل ہوگی، ان کے خط کی آئی ایم ایف کے سامنے کوئی حیثیت نہیں ہوگی۔ 

انہوں نے کہا کہ  اس وقت ملک کا چیلنج پاکستان کے عوام کی مشکلات کو دور کرنا ہے، معاشی حالات کو درست کرنا بڑا چیلنج ہے، پاکستان میں غربت کا خاتمہ کرنا ہے، روزگار کے مواقع مہیا کرنے ہیں۔