ایک نامکمل ایوان سے وزیراعلیٰ" سیلیکٹ " کروانے کی شدید مذمت کرتے ہیں، بیرسٹر گوہر

پاکستان تحریک انصاف کے رہنما اور نامزد چیئرمین بیرسٹر گوہر نے کہا ہے کہ ایک نامکمل ایوان سے وزیراعلیٰ سیلیکٹ کروانے کی شدید مذمت کرتے ہیں۔

سوشل میڈیا پلیٹ فارم ایکس پر اینے ٹویٹ میں بیرسٹر گوہر نے کہا کہ 8 فروری کو انتخاب میں بری طرح شکست کھانے والے کرداروں کو غیر قانونی طور پر پنجاب اسمبلی میں بھر کر مریم نواز کو قانون و ضوابط کی مکمل خلاف ورزی کرتے ہوئے ایک نامکمل ایوان سے وزیراعلیٰ سیلیکٹ کروانے کی شدید مذمت کرتے ہیں۔

8 فروری کو انتخاب میں بری طرح شکست کھانے والے کرداروں کو غیر قانونی طور پر پنجاب اسمبلی میں بھر کر مریم نواز کو قانون و ضوابط کی مکمل خلاف ورزی کرتے ہوئے ایک نامکمل ایوان سے وزیراعلیٰ ”سیلیکٹ“ کروانے کی شدید مذمت کرتے ہیں۔

یہ ”سیلیکشن“ جمہوریت کےدامن پر ایک بدنما داغ ہے جس… pic.twitter.com/xuzEh8LSGw

— Barrister Gohar Khan (@BarristerGohar) February 26, 2024

انہوں نے کہا کہ یہ سیلیکشن جمہوریت کےدامن پر ایک بدنما داغ ہے جس سےصوبے میں استحکام کے امکانات کو شدید دھچکہ پہنچے گا اور پنجاب کے عوام اور ووٹرز کے غم و غصّے میں اضافہ ہوگا۔ ہم اس سیلیکشن کو مکمل طور پر مسترد کرتے ہیں۔