ترک صدر طیب اردوان کا شہباز شریف سےٹیلیفونک رابط،وزیراعظم بننے پرمبارکباد

ترک صدررجب طیب اردوان نےشہبازشریف سےٹیلیفونک رابطہ کیا،وزیراعظم منتخب ہونےپرمبارکبادپیش کی۔

طیب اردوان نے شہباز شریف کی کامیابی پر نیک تمناؤں کا اظہار کیا،اوردونوں ممالک کے درمیان دوستی اور بھائی چارے کے رشتے کو مزید مضبوط بنانے کے عزم کا اعادہ کیا۔طیب اردوان کا کہنا تھا کہ شہباز شریف کے بحیثیت وزیراعظم انتخاب پر بہت خوشی ہوئی،پاکستان اور ترکیہ کی ترقی کے لئے مل کر کام کریں گے۔

نو منتخب وزیر اعظم شہبازشریف نے کہا کہ  طیب اردوان کے جذبات کا خیرمقدم کرتا ہوں، ترک صدر نے ہمیشہ مسئلہ کشمیر پر پاکستان کے موقف کی حمایت کی، ہائی لیول اسٹریٹیجی ڈائیلاگ کے ساتویں سیشن میں پاکستان اور ترکیہ مل کر اس حوالے سے مزید پیشرفت کا جائزہ لیں گے۔

شہباز شریف کا مزید کہنا تھا کہ ترکیہ نے ہمیشہ پاکستان میں دہشت گردی کے واقعات کی مذمت کی، انشااللہ پاکستان دہشت گردی کو جڑ سے ختم کرے گا،ترکیہ نے ہمیشہ غزہ اور فلسطین کے تنازعات پر آواز بلند کی جو لائق تحسین ہے، مسلم ممالک ترکیہ کے اس کردار کو ہمیشہ قدر کی نگاہ سے دیکھتے ہیں،رجب طیب اردوان ایک تجربہ کار رہنما ہیں، ہمیں ان کے تجربہ سے مستفید ہونے کی ضرورت ہے.