شاہ سلمان بن عبدالعزیز کی آصف علی زرداری کو صدر پاکستان کا حلف اٹھانے پرمبارکباد

خادم حرمین شریفین اور سعودی عرب کے فرمانروا شاہ سلمان بن عبدالعزیز نے آصف علی زرداری کو صدر پاکستان کا حلف اٹھانے پرمبارکباد دی ہے۔

 شاہ سلمان بن عبدالعزیز نے صدر پاکستان  کے نام ایک پیغام میں ان کی کامیابی اورپاکستان کے عوام کی مزیدترقی وخوشحالی کے لئے نیک تمنائوں کااظہارکیا۔

سعودی فرمانروا نے دونوں برادر ممالک کے درمیان گہرے تعلقات کی اہمیت کو اجاگر کیا اور ان تعلقات کو مزید وسعت دینے کی خواہش ظاہر کی۔