پاکستان
وزیراعظم کی رمضان المبارک میں بجلی اور گیس کی بلاتعطل فراہمی یقینی بنانے کی ہدایت
وزیراعظم نے عزم کیا کہ قومی خزانے اور عوام کی محنت کی کمائی کو لوٹنے کی اجازت نہیں دیں گے
![وزیراعظم کی رمضان المبارک میں بجلی اور گیس کی بلاتعطل فراہمی یقینی بنانے کی ہدایت](/media/98656/conversions/pm-1280x720.jpg)
اسلام آباد: وزیراعظم شہباز شریف نے رمضان المبارک میں صارفین کو بجلی اور گیس کی بلاتعطل فراہمی یقینی بنانے کی ہدایت کی ہے۔
آج اسلام آباد میں پیٹرولیم سیکٹر کے حوالے سے ایک اعلیٰ سطحی اجلاس کی صدارت کرتے ہوئے انہوں نے کہا کہ حکومت کا کام نجی شعبے کو سہولت فراہم کرنا اور صارفین بالخصوص معاشرے کے معاشی طور پر کمزور طبقات کے مفادات کا تحفظ کرنا ہے۔
وزیراعظم شہباز شریف نے تیل و گیس کی تلاش، ریفائننگ اور ڈسٹری بیوشن میں نجی شعبے، مقامی اور غیر ملکی سرمایہ کاروں کو ہر قسم کی سہولیات فراہم کرنے کی ہدایت کی۔
وزیراعظم نے گیس کی تلاش کے ساتھ ساتھ زیر سمندر تیل اور گیس کے ذخائر کے لیے بین الاقوامی سرمایہ کاری کو فروغ دینے کے لیے اقدامات کرنے کا مشورہ دیا۔
انہوں نے پاکستان کی سمندری حدود میں موجود وسائل کو بروئے کار لانے کے لیے اقدامات نہ کرنے پر برہمی کا اظہار کیا جن کا رقبہ بلوچستان سے زیادہ ہے۔
انہوں نے کہا کہ پاکستان کی سمندری حدود میں تیل اور گیس کے وسیع ذخائر کی دریافت اور ان سے بھرپور فائدہ اٹھانا ان کی حکومت کی ترجیحات میں شامل ہے۔
انہوں نے گیس اور آئل سیکٹر کے گردشی قرضے کے خاتمے اور اس مسئلے کو مستقل بنیادوں پر حل کرنے کے لیے جامع حکمت عملی پر زور دیا۔ انہوں نے کہا کہ گیس اور بجلی چوری میں ملوث مجرموں کی نشاندہی کرکے انہیں سزا دی جائے۔ انہوں نے تجویز دی کہ سمارٹ میٹرنگ کے ذریعے گیس کے نقصانات کو کم کیا جا سکتا ہے۔
وزیراعظم نے عزم کیا کہ قومی خزانے اور عوام کی محنت کی کمائی کو لوٹنے کی اجازت نہیں دیں گے۔ انہوں نے کہا کہ ایل پی جی صارفین کو سستے نرخوں پر فراہم کرنے کے لیے مائع پیٹرولیم گیس سیکٹر کی کڑی نگرانی کو یقینی بنایا جائے۔ انہوں نے مزید ہدایت کی کہ صنعتوں کو گیس کی بلاتعطل فراہمی کو یقینی بنایا جائے۔
شہباز شریف نے کہا کہ گھریلو صارفین کو گیس کی بجائے بجلی پر روزمرہ استعمال کی اشیاء چلانے کی ترغیب دی جائے ، انہوں نے گزشتہ دور حکومت میں توانائی کے تحفظ کے لیے بنائے گئے ایکشن پلان پر عملدرآمد کے حوالے سے بھی رپورٹ طلب کی۔
انہوں نے پاکستان کے توانائی کے شعبے کے انتظامی ڈھانچے کو بین الاقوامی خطوط پر استوار کرنے کی ہدایات دیں۔
انہوں نے کہا کہ توانائی کے شعبے میں اصلاحات کے حوالے سے مختصر، درمیانی اور طویل مدتی ایکشن پلان مرتب کرکے انہیں ترجیحی بنیادوں پر پیش کیا جائے۔
پاکستان
پی ٹی آئی کا جلسہ آج،اسلام آباد کے داخلی راستے بند
فیض آباد انٹرچینج تمام آمد و رفت کے لئے بند کر دیا گیا ،حفاظتی اقدام کے تحت کنٹینرز پہنچائے گئے
![پی ٹی آئی کا جلسہ آج،اسلام آباد کے داخلی راستے بند](/media/117559/conversions/ISB-1280x720.jpg)
اسلام آباد: پاکستان تحریک انصاف (پی ٹی آئی) کے زیر اہتمام آج اسلام آباد میں ایک بڑی سیاسی طاقت کے مظاہرے کی تیاریاں اپنے آخری مراحل میں داخل ہو چکی ہیں، جس کے پیشِ نظر وفاقی پولیس نے ملکی سکیورٹی کی صورتحال کو برقرار رکھنے کے لئے اسلام آباد کے مختلف داخلی راستوں کو بند کر دیا ہے۔
سنگجانی میں ہونے والے اس جلسے کے موقع پر جی ٹی روڈ کو سنگجانی کے مقام پر کنٹینر لگا کر مکمل طور پر بند کردیا گیا ہے، جبکہ روات میں ٹی چوک پر بھی حفاظتی اقدام کے تحت کنٹینرز پہنچائے گئے ہیں اور فیض آباد انٹرچینج کو تمام آمد و رفت کے لئے بند کر دیا گیا ہے۔
اسی طرح ایکسپریس ہائی وے کھنہ پل کے مقام پر بھی کنٹینر لگا کر بند کر دی گئی ہے، جس کے نتیجے میں شہریوں کو شدید مشکلات کا سامنا کرنا پڑرہا ہے اور گاڑیوں کی لمبی قطاریں لگ گئی ہیں۔
News Headlines | 10 AM | 08 SEP 2024 | GNN
— GNN (@gnnhdofficial) September 8, 2024
دنیا بھر کی تازہ ترین خبروں سے باخبر رہنے کیلئے ہمارا WhatsApp Channel چینل فالو کریں۔
Follow our WhatsApp Channelhttps://t.co/7Se71GRdxW#LatestNews #Headlines #WhatsAppChannel #GNN pic.twitter.com/Ig6NLTD8je
میڈیا سے گفتگو کرتے ہوئے بیرسٹر گوہر نے کہا کہ سنگجانی میں اسلام آباد کا سب سے بڑا جلسہ منعقد ہوگا اور وہ انتظامیہ کا شکریہ ادا کرتے ہیں جنہوں نے اس کیلئے این او سی جاری کیا۔ انہوں نے یہ بھی واضح کیا کہ یہ جلسہ پرامن ہوگا اور اس کا مقصد عدلیہ کی آزادی ہے۔
پولیس نے دعویٰ کیا ہے کہ جلسہ گاہ کے قریب سے بارودی مواد برآمد ہوا ہے، جسے بم ڈسپوزل سکواڈ نے اپنے قبضے میں لے لیا ہے۔
جرم
لکی مروت میں پولیس افسر کے گھر پر حملہ، ایس ایچ او کے 2بھائی جاں بحق
جاں بحق ہونے والوں میں سے ایک بھائی خود بھی پولیس کانسٹیبل تھا، پولیس
![لکی مروت میں پولیس افسر کے گھر پر حملہ، ایس ایچ او کے 2بھائی جاں بحق](/media/117560/conversions/Police-1280x720.jpg)
لکی مروت : خیبر پختونخوا کے ضلع لکی مروت میں نامعلوم افراد نے اسٹیشن ہاؤس آفیسر (ایس ایچ او) کے گھر پر حملہ کر دیا ہے۔ اس حملے میں ایس ایچ او کے 2بھائی جاں بحق ہو گئے ہیں۔
پولیس کے مطابق یہ واقعہ تھانہ لکی سٹی کی حدود اباخیل میں پیش آیا۔ حملہ آوروں نے گھر پر فائرنگ کی جس کے نتیجے میں ایس ایچ او کے 2بھائیوں کو گولیاں لگیں۔ دونوں بھائیوں کو فوری طور پر ہسپتال منتقل کیا گیا لیکن وہ زخموں کی شدت کی وجہ سے دم توڑ گئے۔
پولیس نے بتایا کہ جاں بحق ہونے والوں میں سے ایک بھائی خود بھی پولیس کانسٹیبل تھا۔ ایس ایچ او شفقت اللہ خان اس وقت گھر پر موجود نہیں تھے اور اس لیے وہ محفوظ رہے۔
حملہ آور فائرنگ کے بعد فرار ہو گئے۔ پولیس نے لاشیں قبضے میں لے کر پوسٹ مارٹم کے لیے ہسپتال منتقل کر دی ہیں اور واقعہ کی جائے وقوعہ کو گھیرے میں لے کر ملزمان کی تلاش شروع کر دی ہے۔
واضح رہے کہ گزشتہ روز بھی لکی مروت میں نامعلوم افراد نے ایک پولیس اہلکار کو گولی مار کر شہید کر دیا تھا۔ اس واقعے کی مذمت کرتے ہوئے علاقے کے لوگوں نے امن و امان کی بحالی کا مطالبہ کیا ہے۔
دنیا
بھارت کے شہر لکھنؤ میں عمارت منہدم، 8 افراد ہلاک، 28 زخمی
ریاستی وزیر اعلیٰ یوگی آدتیہ ناتھ نے اس واقعے پر متاثرین کے اہل خانہ سے اظہار تعزیت کیا
![بھارت کے شہر لکھنؤ میں عمارت منہدم، 8 افراد ہلاک، 28 زخمی](/media/117563/conversions/India-1280x720.jpg)
لکھنؤ: بھارتی ریاست اترپردیش کے شہر لکھنؤ میں ایک تین منزلہ عمارت کے منہدم ہونے کا دلخراش واقعہ پیش آیا ہے۔ اس حادثے میں کم از کم 8 افراد ہلاک اور 28 زخمی ہو گئے ہیں۔
واقعہ ہفتے کی سہ پہر پیش آیا جب یہ تجارتی عمارت، جسے متعدد چھوٹی کمپنیاں استعمال کرتی تھیں، اچانک زمین بوس ہو گئی۔ عمارت کے ملبے تلے پھنسے افراد کو نکالنے کے لیے امدادی ٹیمیں اور بھاری مشینری موقع پر پہنچ گئی۔
ریاستی وزیر اعلیٰ یوگی آدتیہ ناتھ نے اس واقعے پر متاثرین کے اہل خانہ سے اظہار تعزیت کیا ہے۔
بھارتی میڈیا رپورٹ کے مطابق عمارت کے منہدم ہونے کی حتمی وجوہات کا تعین کرنے کے لیے تحقیقات جاری ہیں۔ تاہم ماہرین کا کہنا ہے کہ بھارت میں مون سون کے موسم میں پرانی اور خستہ حال عمارتوں کے منہدم ہونے کے واقعات عام ہیں۔ اس بارش کے موسم میں شہر میں شدید بارشیں ہو رہی تھیں اور ممکنہ طور پر عمارت کی بنیاد کمزور ہو گئی ہوگی۔
عمارت میں کام کرنے والے آکاش سنگھ کے مطابق عمارت کے ایک ستون میں شگاف پڑ گیا تھا اور اسے خوف تھا کہ عمارت مزید خراب ہو سکتی ہے۔ لیکن اس سے قبل کہ وہ کوئی اقدام کر پاتے، عمارت اچانک گر پڑی۔
امدادی ٹیمیں ملبے کو ہٹانے اور پھنسے ہوئے افراد کو نکالنے کی کوششوں میں مصروف ہیں۔ ابھی تک یہ واضح نہیں ہے کہ آیا ملبے تلے کوئی اور افراد پھنسے ہوئے ہیں یا نہیں۔
-
پاکستان 2 دن پہلے
پاک فوج کا کوئی سیاسی ایجنڈا نہیں ہے، ڈی جی آئی ایس پی آر
-
پاکستان ایک دن پہلے
اگر فوج غیر جانبدار اور غیر سیاسی ہو چکی ہے تو یہ اچھی بات ہے، عمران خان
-
تجارت ایک دن پہلے
سونے کی قیمت میں مسلسل دوسرے روز بھی بڑا اضافہ
-
پاکستان 2 دن پہلے
سپریم کورٹ نے نیب ترامیم بحال کر دیں
-
تجارت 2 دن پہلے
عالمی منڈی میں پیٹرول کی قیمتوں میں مزید کمی
-
پاکستان 2 دن پہلے
عدالت کا چیئرمین نادرا لیفٹیننٹ جنرل محمد منیر افسر کو عہدے سے ہٹانے کا حکم
-
تجارت 2 دن پہلے
سونے کی قیمتوں میں 2 روز مسلسل کمی کے بعد اضافہ
-
پاکستان 2 دن پہلے
پی ٹی آئی کو 8 ستمبر کو اسلام آباد میں جلسہ کرنے کی اجازت مل گئی