نامور کلاسیکی گلوکارہ شاہدہ پروین کی اکیسویں برسی

آج (بدھ) پاکستان کی نامور کلاسیکی گلوکارہ شاہدہ پروین کی اکیسویں برسی ہے ۔

شاہدہ پروین مشہور گلوکارہ اور کافی گائیک زاہدہ پروین کی بیٹی تھیں۔ انہوں نے موسیقی کے اسرار و رموز اپنی والدہ کے علاوہ استاد اختر حسین خان، استاد فتح علی خان اور استاد چھوٹے غلام علی خان سے سیکھے۔

شاہدہ پروین بھی اپنی والدہ کی طرح کافی گانے میں مہارت رکھتی تھیں اور انہوں نے مختلف صوفی شعرا بالخصوص حضرت غلام فرید کی مختلف کافیوں کو بڑی مہارت کے ساتھ گایا ۔

شاہدہ پروین 13 مارچ 2003 کے دن لاہور میں وفات پا گئیں اور لاہور ہی میں میانی صاحب کے قبرستان میں آسودہ خاک ہوئیں۔حکومت پاکستان نے ان کے انتقال کے بعد انہیں صدارتی تمغہ برائے حسن کارکردگی عطا کیا تھا۔