پٹرولیم مصنوعات سے متعلق سمری حکومت کو ارسال

تفصیلات کے مطابق  پٹرولیم مصنوعات سے متعلق سمری حکومت کو ارسال کردی گئی ہے۔ذرائع کے مطابق  ہائی سپیڈ ڈیزل کی قیمت میں اضافے کی سفارش کی گئی ہے۔ ہائی سپیڈ ڈیزل کی قیمت میں 4 روپے 36 پیسے فی لیٹر اضافے کی تجویز کی گئی ہے،جبکہ پیٹرول ، مٹی کی تیل اور لائٹ ڈیزل کی قیمت برقرار رکھنے کی سفارش کی گئی ہے۔

حتمی قیمتوں کا اعلان کل کیا جائے گا اور  نئی قیمتوں کا اطلاق یکم جون سے ہو گا۔

یاد رہے کہ 17مئی 2021 کو حکومت نے  پیٹرولیم مصنوعات کی قیمتیں برقرار رکھنے کا فیصلہ کیا تھا۔وزیر اعظم نے قیمتوں میں اضافے کی تجویز مسترد کر دی تھی۔

سماجی رابطے کی ویب سائٹ ٹوئٹر پر ایک ٹویٹ میں وزیر مملکت اطلاعات فرخ حبیب نے کہا تھاکہ  وزیراعظم  عمران خان نے پیٹرولیم مصنوعات کی قیمتوں میں ردوبدل سے متعلق اوگرا تجویز کو مسترد کرتے ہوئے پیٹرولیم مصنوعات کی قیمتوں کو 31 مئی تک برقرار رکھنے کا فیصلہ کیا ہے۔وزیراعظم عمران خان بین الااقوامی سطح پر پیٹرولیم مصنوعات کی قیمتوں میں اضافے کا بوجھ عوام پر نہیں ڈالناچاہتے۔