ملک بھر کے ویکسینیشن سنٹرز میں اساتذہ کیلئے کاؤنٹر مختص کرنے کا فیصلہ

ذرائع کے مطابق  ٹیچرز، ایجوکیشن سٹاف کی ویکسینیشن میں تیزی کیلئے بڑے فیصلے کرلیے گئے ہیں ، این سی او سی نے ٹیچرز کی ویکسینیشن بارے فیصلے کی منظوری دیدی ہے، ٹیچرز، ایجوکیشن سٹاف کیلئے الگ ویکسینیشن سنٹر بنانے کا فیصلہ کیا گیا ہے۔

ذرائع کے مطابق  ٹیچرز، ایجوکیشن سٹاف کیلئے ویکسینیشن سنٹر ہر تحصیل میں قائم ہو گا، تحصیل ویکسینیشن سنٹر ٹیچرز، ایجوکیشن سٹاف کیلئے مخصوص ہو گا، تحصیل سطح کا سنٹر اساتذہ کی ویکسینیشن کی تکمیل تک کام کرے گا، ملک بھر کے ویکسینیشن سنٹرز میں اساتذہ کیلئے کاؤنٹر مختص کرنے کا فیصلہ کیا گیا ہے، الگ کاؤنٹر کا مقصد ٹیچرز، ایجوکیشن سٹاف کو سہولت فراہم کرنا ہے،الگ کاؤنٹر سے کم وقت میں زیادہ ٹیچرز کی ویکسینیشن یقینی بنانا ہے۔

ذرائع کا کہنا ہے  کہ تحصیل سنٹر، کائونٹر سے ٹیچرز کی ویکسینیشن میں نمایاں تیزی آئے گی،18 سال سے زائد عمر ٹیچرز، ایجوکیشن سٹاف کو واک ان سہولت دی گئی ہے،ٹیچرز کو واک ان کی سہولت ملنے پر ویکسینیشن سنٹرز پر رش بڑھ گیا ہے،  ٹیچرز، ایجوکیشن سٹاف کو واک ان ویکسینیشن کی سہولت 29 مئی سے ملی ہے، این سی او سی نے 5 جون تک ٹیچرز کی ویکسینیشن مکمل کرنے کی ہدایت کی ہے۔

خیال رہے کہ وفاقی حکومت نے ملک بھر میں اساتذہ کو جلد ازجلد کورونا ویکسین لگوانے کا فیصلہ کیا تھا، اس حوالے سے ترجمان وزارت تعلیم کا کہنا تھا کہ این سی او سی کو صوبوں کی مدد کرنے کی درخواست کی ہے، جب کہ اساتذہ کی ویکسینیشن کے لیے صوبائی چیف سیکرٹریز کو مراسلے لکھ دئیے گئے ہیں۔

ترجمان کا کہنا تھا کہ تعلیمی شعبے کا نقصان کم کرنے کیلئے اساتذہ اور امتحانی عملے کی جلد ویکسینیشن کی جائے گی، اور فیصلہ کیا گیا ہے کہ اساتذہ کی ویکسینیشن 5 جون تک مکمل کرلی جائے اور امتحانات شروع ہونے سے قبل امتحانی عملہ اور اسپورٹنگ اسٹاف کو ویکسین لگائی جائے گی۔