بحرین کی نیشنل گارڈ کے کمانڈر جنرل کی نیول ہیڈ کوارٹرزمیں پاک بحریہ کے سربراہ سے ملاقات

بحرین کی نیشنل گارڈ کے کمانڈر جنرل شیخ محمد بن عیسیٰ بن سلمان الخلیفہ نے نیول ہیڈ کوارٹرز اسلام آباد میں پاک بحریہ کے سربراہ ایڈمرل نوید اشرف سے ملاقات کی۔

ملاقات کے دوران دونوں ملکوں کی بحری افواج کے درمیان تعاون کے فروغ اور باہمی دلچسپی کے امور پر تبادلہ خیال کیا گیا۔

بحرین کی نیشنل گارڈ کے کمانڈر نے خطے میں بحری سلامتی سے متعلق پاک بحریہ کی کوششوں کو سراہا۔