پنجاب میں جلد ایئر ایمبولینس سروس شروع کی جائے گی، وزیر اعلی مریم نواز

پنجاب کی وزیراعلیٰ مریم نواز شریف نے کہا ہے کہ صوبے میں جلد ایئر ایمبولینس سروس شروع کی جائے گی۔

آج لاہور میں ایئر ایمبولینس منصوبے سے متعلق اجلاس کی صدارت کرتے ہوئے انہوں نے مریضوں کی ہنگامی طور پر منتقلی کیلئے اپنا ہیلی کاپٹر استعمال کرنے کی اجازت دی۔انہوں نے کہا کہ ریسکیو 1122 سروس موٹروے پر بھی شروع کی جائے گی۔

یاد رہے کہ وزیر اعلی پنجاب مریم نواز ان دنوں لاہور اور گردو نواح میں اچانک اسپتالوں اور مختلف پروجیکٹس کے دورے کر رہی ہیں ۔