این سی او سی کی آزاد کشمیر اسمبلی کے انتخابات دوہ ماہ موخر کرنے کی تجویز

تفصیلات کے مطابق  نیشنل کمانڈ اینڈ آپریشن  سینٹر (این سی او سی )  کی طرف سے چیف الیکشن کمشنر آزاد کشمیر کو لکھا گیا خط سامنے آگیاہے۔ این سی او سی کی موجودہ حالات کے پیش نظر انتخابات کو 2 ماہ کے لیے ملتوی کرنے کی تجویز دی ہے۔

خط میں کہا گیا ہےکہ  کورونا کی تیسری لہر سے پاکستان بہترین انداز میں نمٹ رہا ہے، این سی او سی کی موجودہ حکمت عملی بڑے پیمانے پر ویکسینیشن کو یقینی بنانا ہے، آزاد کشمیر میں اب تک 0.175 ملین کی آبادی کو ویکسینیشن کی جاچکی ہے، ستمبر کے آخر تک آزاد کشمیر میں دس لاکھ سے زائد آبادی کی ویکسینیشن مکمل ہوجائے گی۔

 خط میں کہا گیا ہے کہ  انتخابات میں بڑے پیمانے پر سیاسی و سماجی اجتماعات سے وباء میں اضافے کا خدشہ ہے،آزاد کشمیر میں کورونا شرح پہلے سے زیادہ ہے ، جولائی میں ہونے والے انتخابات سے اس میں مزید اضافہ ہوسکتا ہے، اس دورانیے میں بڑی تعداد میں شہریوں کی ویکسینیشن کو مکمل کیا جاسکے گا۔