پاکستان میں بیرون ملک سے کورونا ویکسین کی خوراکیں پہنچنے کا سلسلہ جاری

تفصیلات کے مطابق  پاکستان میں بیرون ملک سے کورونا ویکسین کی خوراکیں پہنچنے کا سلسلہ جاری ہے۔ذرائع کے مطابق  آئندہ دو روز کے دوران پاکستان میں مزید 16 لاکھ ویکیسن کی خوراکیں پہنچیں گی ، 9 لاکھ چینی کمپنی  کی خام  ویکیسن کل پاکستان پہنچنے گی،7 لاکھ ویکیسن کی تیار خوراکیں یکم جون کو پاکستان پہنچے گی۔

ذرائع کے مطابق چینی کمپنی کے خام مال سے ویکیسن کی تیاری اور پیکنگ این آئی ایچ میں ہو گی۔این آئی ایچ میں ویکسین  "پاک ویک"  کے نام سے تیار اور پیک کی جائے گی۔این آئی ایچ میں رواں ماہ بھی سائنو ویک کی خام ویکیسن سے ویکیسن تیار اور پیک کی جا چکی ہے۔

این آئی ایچ میں پاک ویک کے نام سے  ایک لاکھ 20 ہزار سے زائد ویکیسن کی خوراکیں تیار کی جا چکی ہیں۔

خیال رہے کہ پاکستان نے مقامی سطح پر کوروناویکسین کامیابی سے تیار کرلی ویکسین چینی ٹیم کی زیرنگرانی پاکستانی ماہرین نے بنائی ہے۔پہلے فیز میں سنگل ڈوزکین سائینو کی1لاکھ24ڈوز تیار کی گئی تھیں ۔ ویکسین کی دوسری کھیپ پاکستانی ماہرین تیار کریں گے۔ چینی ٹیم نے ویکسین سازی میں ماہرین کو معاونت فراہم کی پاکستان کو ویکسین کے لیے خام مال چینی کمپنی کین سائینو نے فراہم کیا۔