سنی اتحاد کونسل نے پنجاب اسمبلی میں ملک احمد خان بھچر کو اپوزیشن لیڈر نامزد کر دیا

سنی اتحاد کونسل نے پنجاب اسمبلی میں اپوزیشن لیڈر کے نام کا باقاعدہ اعلان کرتے ہوئے ملک احمد خان بھچر کو اپوزیشن لیڈر نامزد کردیا، تاہم حلف اٹھانے کے بعد اسلم اقبال یہ عہدہ لیں گے۔

صاحبزادہ حامد رضا نے باقاعدہ نامزدگی کا اعلان کرتے ہوئے کہا کہ لاقانونیت کی انتہاء ہے ، ہمارے نامزد اپوزیشن لیڈر اسلم اقبال کو حلف تک نہیں لینے دیا جا رہا،  اس صورتحال کو مدنظر رکھتے ہوئے چیئرمین پی ٹی آئی کے موصولہ پیغام و ہدایت اور میاں اسلم اقبال کی مشاورت سے عارضی طور پر ملک احمد بھچر کو لیڈر آف اپوزیشن نامزد کیا جاتا ہے۔

انہوں نے کہا کہ اس صورتحال میں ملک احمد بھچرکو لیڈر آف اپوزیشن نامزد کیا جاتا ہے، لیکن اسلم اقبال حلف اٹھانے کے بعد لیڈر آف اپوزیشن ہوں گے۔ سربراہ سنی اتحاد کونسل حامد رضا نے کہا کہ معین ریاض قریشی کو ڈپٹی اپوزیشن لیڈر نامزد کردیا گیا ہے۔