جاپان میں برقی گاڑیوں کے لیے نیا سبسڈی پروگرام

ٹوکیو: جاپان ملک میں خریدی جانے والی برقی گاڑیوں پر سبسڈی کے نئے پروگرام کا اجرا کرے گا۔

جاپانی خبررساں ادارے این ایچ کے ،کے مطابق جاپان ملک میں خریدی جانے والی برقی گاڑیوں پر سبسڈی کے نئے پروگرام کے تحت وزارت ٹرانسپورٹ بعد از فروخت خدمات، نئے فاسٹ چارجنگ کے مقامات کی تعداد اور برقی گاڑیوں کے استعمال کو بڑھانے کے لیے دیگر کوششوں کا بھی جائزہ لے گی۔

اعانتوں کی نئی سطحوں کا اطلاق مشترکہ طور پر تیار کردہ گاڑیوں پر بھی ہوگا جبکہ مشترکہ طور پر تیار کردہ ’’سُوبارو‘‘ ورژن کا انتخاب کرنے والے کو 4ہزار 3 سو ڈالر ملیں گے۔نسان اور مٹسوبِشی کی تیار کردہ ’’کے کلاس‘‘ نامی ہلکی گاڑیوں کے خریداروں کو تقریباً 3 ہزار 6سو ڈالر کی بچت ہوگی، تاہم چین کے ’’بی وائی ڈی‘‘ کی کچھ ایس یو وی گاڑیوں پر سبسڈی تقریباً 3 ہزار 3 سو ڈالر تک کم کرکے صرف 2 ہزار 3 سو ڈالر کر دی جائے گی۔

یہ اقدام اِن گاڑیوں کو وسیع پیمانے پر اپنانے کو فروغ دینے کی کوششوں کی عکاسی کرتا ہے۔فی الحال اعانتی رقم کا فیصلہ ہر ماڈل کی خصوصیات، مثلاً ایک بار چارجنگ سے فاصلہ طے کرنے کی صلاحیت وغیرہ کی بنیاد پر کیا جاتا ہے۔