انٹر بینک میں ڈالر 3 پیسے سستا ہوگیا

تفصیلات کے مطابق  انٹر بینک میں ڈالر 3 پیسے سستا ہوگیا ہے۔ انٹر بینک میں ڈالر 154.43 روپے سے کم ہوکر 154.40 روپے پر بند ہوا۔

دوسری جانب  اسٹاک ایکسچینج میں تیزی پر کاروبار کا اختتام ہوا ہے۔ 100 انڈیکس میں 770پوائنٹس کا اضافہ ہوا ہے۔ 100 انڈیکس 1.63  فیصد اضافے سے 47897کی سطح پر بند ہوا ۔جبکہ 32ارب روپے مالیت کے 1 ارب 41 کروڑ سے زائد شئیرز کا کاروبار کیا گیا۔

یاد رہے پاکستان اسٹاک ایکسچینج کی ہفتہ وار رپورٹ کے مطابق  ہفتے میں شئیرز کی ٹریڈنگ کے نئے ریکارڈبنے ہیں  اور 100 انڈیکس میں 1211 پوائنٹس کا اضافے سے 47126 پر بند ہوا ہے۔

ہفتے کے دوران اسٹاک مارکیٹ میں 137 ارب روپے کا کاروبار ہوا ، بدھ کو 1.56 ارب شئیرز اور جمعرات کو 2.20 ارب شئیرز کا ریکارڈ کاروبار ہوا جبکہ ایک ہفتے میں مارکیٹ کیپٹلائزیشن 169 ارب روپے اضافے سے 8 ہزار 131 ارب روپے ہوگئی ہے۔