لاہور میں تیز آندھی سے بجلی کا ترسیلی نظام متاثر

تفصیلات کے مطابق  بجلی کی بندش کے ساتھ ساتھ ٹرپنگ بھی جاری ہے۔ترجمان لیسکو کا کہنا ہے کہ  آندھی کے باعث نادرن اور شیخوپورہ سرکل  سب سے ذیادہ متاثر ہوئے ہیں، اندرون لاہور میں بھی تیز ہواؤں کے باعث بجلی کی سپلائی متاثر ہوئی ہے۔

ترجمان لیسکو کے مطابق لیسکو چیف چوہدری محمد امین  کی ہدایت پر فیلڈ اسٹاف کو الرٹ کردیا گیا ہے،آندھی کی شدت میں کمی کے ساتھ ہی بجلی بحالی کا عمل شروع کردیا جائے گا۔

لاہور کے بیشتر علاقوں میں گرد آلود ہوائیں چلنے  سے درجہ حرارت کم ہوگیا ہے۔ برکی روڈ ، کینٹ ، پیراگون ، تاجپورہ ، مغلپورہ اور دیگر علاقوں میں آندھی اور  کالے بادلوں نے شہر کو لپیٹ میں لے لیا۔