واٹس ایپ نے صارفین کیلئے نیا فیچر متعارف کروادیا

واٹس ایپ  نے صارفین کی  سہولت کیلئے  اپنی ایپ میں نت نئی تبدیلیاں کرتا رہتا ہے۔ حال ہی میں متعارف کروایا جانے والا نیا فیچر وقت کی کمی میں کام آئے گا۔

بہت سے افراد وائس نوٹس کا استعمال کرتے ہوئے  پیغامات بھیجتے ہیں ،کبھی کبھار مسیج اتنا لمبا ہوجاتا ہے کہ  بھیجے جانے والا وائس نوٹ سیکنڈز کے بجائے منٹوں میں تبدیل ہوجاتا ہے۔ لیکن اس نئے فیچر کے بعد  اب آپ اس لمبے وائس نوٹ کو بھی جلدی سن سکیں گے۔

واٹس ایپ کی جانب سے وائس نوٹ کی رفتار میں تبدیلی کردی گئی ہے۔ نئے فیچر میں صارفین اپنی مرضی کے مطابق وائس نوٹ کو بھی جلدی سن سکیں گے۔

1x، 1.5x اور 2x اب صارف کے وائس نوٹ کے آگے مینشن ہوگا، جس سے آپ جس رفتار میں چاہیں پیغام بھیجنے والے کی آواز سن سکیں گے۔

خیال رہے واٹس ایپ کا نیا فیچر 2.21.100 ورژن استعمال کرنے والوں کیلیے متعارف کروایا گیا ہے۔