غزہ کیلئےانسانی امداد کی رسائی ممکن بنائی جا ئے ،سیکرٹری جنرل اقوام متحدہ

اقوام متحدہ کے سیکرٹری جنرل انتونیو گوتریس نے کہا ہے کہ غزہ کے ساتھ مصر کی سرحد پر امدادی سامان کے ٹرکوں کی رکی ہوئی لمبی لائنیں فلسطینیوں کیلئے ایک کڑے امتحان سے کم نہیں ہے اور ان کیلئے شدید غم و غصہ پایا جا رہا ہے ۔

رفاہ کے دورے کے دوران انہوں نے کہا وقت کا تقاضا ہے کہ غزہ کے لئے بلاتعطل انسانی امداد تک رسائی ممکن بنائی جائے۔

انہوں نے کہا کہ اقوام متحدہ مصر کے ساتھ غزہ میں امداد کی فراہمی کے تسلسل کو برقرار رکھنے کے لئے تعاون جاری رکھے گا۔انہوں نے غزہ میں فوری جنگ بندی کا بھی مطالبہ کیا ہے۔