الیکشن سے قبل بھارت نےاسلامی مدارس اور اسکولوں پر پابندی عا ئد کر دی

بھارت : بھارت کے صوبے اترپردیش کی الہ آباد ہائیکورٹ نے مدرسہ ایکٹ2004 کو غیرقانونی قراردیتے ہوئے تمام اسلامی سکولوں اور مدرسوں پر مکمل پابندی عائد کردی ہے۔

عدالت نے صوبے کی حکومت کو اسلامی سکولوں اور مدارس میں زیر تعلیم طلباء کو سرکاری سکولوں میں منتقل کرنے کا حکم دیا۔

عدالت نے اپنے حکم نامے میں مدرسہ ایکٹ 2004 کو سیکولرازم کے اصول کے منافی قرار دیتے ہوئے کہا کہ بھارتی ریاست اسلام کی تعلیمات، دستور اور فلسفوں کی تعلیم کی اجازت نہیں دے سکتی۔

بھارتی مسلمانوں کا کہنا ہے کہ اس طرح کی پابندیوں کو کسی صورت بھی کامیاب نہیں ہونے دیں گے اور حکومتی احکامات کو مد نظر رکھتے ہوئے مذہب کا پرچار کرتے رہیں گے ۔