لاہور میں ہزاروں پاسپورٹ تاخیر کا شکار، لوگ مہینوں سے منتظر

لاہور: محکمہ پاسپورٹ میں 5 لاکھ 50 ہزار سے زائد کے پاسپورٹ تاخیر کا شکار ہونے سے شہری کئی ماہ سے مشکلات کا شکار ہیں۔

محکمہ پاسپورٹ اینڈ امیگریشن بروقت مشین ریڈ ایبل اور ای پاسپورٹ فراہم کرنے میں ناکام رہا۔

5 لاکھ 50 ہزار سے زائد پاسپورٹ تاخیر کا شکار ہونے کے باعث امریکا، برطانیہ اور کینیڈا سمیت دیگر ممالک میں مقیم سیکڑوں پاکستانی کئی ماہ سے پاسپورٹ کے منتظر ہیں۔

وقت پر پاسپورٹ نہ ملنے کی وجہ سے حج و عمرہ پر جانے کے خواہشمند بھی ذہنی اذیت کا شکار ہیں۔

متاثرین کا کہنا ہے کہ محکمہ پاسپورٹ اینڈ امیگریشن صرف ارجنٹ اور فاسٹ ٹریک فیس والے افراد کو پاسپورٹ جاری کر رہا ہے۔ تین ماہ ہو گئے ہیں پاسپورٹ نہیں ملا۔ انہوں نے رمضان المبارک میں عمرہ کے لیے جانا تھا جو ختم ہونے کو ہے لیکن ابھی تک پاسپورٹ نہیں ملے۔