این اے81 گوجرانوالہ سے مسلم لیگ ن کے اظہر قیوم کی کامیابی کا نوٹیفکیشن

عدالت نے حلقہ این اے81 گوجرانوالہ سے مسلم لیگ ن کے اظہر قیوم کی کامیابی کا نوٹیفکیشن معطل کردیا۔

لاہور ہائی کورٹ نے گوجرنوالہ میں دوبارہ گنتی کے نتیجے میں کامیاب قرار دیئے گئے مسلم لیگ ن کے امیدوار کی کامیابی کا نوٹی فکیشن معطل کردیا۔

لاہور ہائیکورٹ کے جسٹس شاہد کریم نے بدھ کو سنی اتحاد کونسل کے امیدوار بلال اعجاز چوہدری کی درخواست پرسماعت کی۔

درخواست میں موقف اختیار کیا گیا کہ سنی اتحاد کونسل کے بلال اعجاز چوہدری 8 ہزار ووٹوں سے کامیاب قرار پائے لیکن الیکشن کمیشن نےدوبارہ گنتی پراظہر قیوم کو کامیاب قراردے دیا، دوبارہ گنتی پر درخواست گزار کا ڈھائی ہزار ووٹ کم کر دیا گیا۔

درخواست میں استدعا کی گئی کہ عدالت ن لیگی امیدوار اظہر قیوم کی کامیابی کا نوٹیفکیشن معطل کرے 

عدالت عالیہ نے حلقہ این اے 81 گوجرانوالہ سے ن لیگ کے رہنما اظہر قیوم کی کامیابی کا نوٹیفکیشن معطل کرتے ہوئے متعلقہ حکام کو نوٹسزجاری کر دیئے ہیں۔