انسداد منشیات فورس کی کاروائیاں، 170 کلو گرام منشیات برآمد

راولپنڈی: انسداد منشیات فورس(اے این ایف)نے منشیات سمگلنگ کے خلاف 8 کارروائیوں میں 170 کلو گرام منشیات برآمد کرکے 11 ملزمان گرفتارکر لیے۔

اے این ایف ہیڈکوارٹر راولپنڈی سے جاری بیان کے مطابق اسلام آباد ایئرپورٹ پر شارجہ جانے والے مسافر سے 1 کلو گرام ہیروئن برآمدکی گئی۔

سیالکوٹ ایئرپورٹ پر دو کاروائیوں میں قطر جانے والے دو مسافروں سے 1.6 کلو گرام آئس برآمد کی گئی شمالی بائی پاس کراچی میں دو ملزمان سے 90 کلو گرام چرس برآمدکی گئی بلیلی چیک پوسٹ کوئٹہ کے قریب دو ملزمان سے 75 کلو گرام چرس برآمدکی گئی۔

ہڈیارا قصور میں2ملزمان سے 2 کلو گرام ہیروئن برآمدکی گئی ۔چکوال میں ملزم سے 590 گرام چرس اور 24 گرام آئس برآمدکی گئی ۔مانسہرہ میں ملزم سے 600 گرام چرس برآمدکی گئی۔

ترجمان اے این ایف نے بتایا کہ گرفتار ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔