قومی اسمبلی کا اجلاس کل شام 5 بجے پارلیمنٹ ہاؤس اسلام آباد میں ہوگا

اسلام آباد: قومی اسمبلی کا اجلاس کل شام 5 بجے پارلیمنٹ ہاؤس اسلام آباد میں ہوگا۔

اجلاس کے لیے سیکیورٹی کے خصوصی انتظامات کیے گئے ہیں۔

پریس گیلری میں پارلیمنٹ کی کوریج کرنے والے صحافیوں کو قومی اسمبلی کے افتتاحی اجلاس کے لیے جاری کردہ کارڈز پر اجازت ہوگی۔

دوسری جانب صدر آصف علی زرداری نے پارلیمنٹ کا مشترکہ اجلاس جمعرات کو سہ پہر 4 بجے طلب کر لیا ہے ،  اجلاس آئین کے آرٹیکل 54 (1) اور 56 (3) کے تحت طلب کیا گیا ہے۔

منگل کو ہونے والے مشترکہ اجلاس کا پچھلا نوٹیفکیشن منسوخ کر دیا گیا ہے۔