آصفہ بھٹو زرداری کی کامیابی کا نوٹیفکیشن سندھ ہائیکورٹ میں چیلنج

پیپلزپارٹی کی رہنما آصفہ بھٹو زرداری کی این اے 207 نواب شاہ سے کامیابی کو سندھ ہائیکورٹ میں چیلنج کر دیا گیا۔

تحریک انصاف کے امیدوار غلام مصطفیٰ رند نے آصفہ بھٹو زرداری کی این اے 207 سے کامیابی کیخلاف عدالت میں درخواست دائرکردی۔

درخواست میں موقف اختیار کیا گیا کہ 22 اپریل تک کامیابی اور منتخب ہونے کا فیصلہ کرنا غیر قانونی ہے۔

درخواست گزار کی جانب سے استدعا کی گئی کہ آصفہ بھٹو کی کامیابی کالعدم قرار دے کر 22 اپریل تک الیکشن کرایا جائے۔