یورپی یونین اور جی سیون کا مشرق وسطی میں امن قائم کرنے پر زور

یورپی یونین اور گروپ جی 7 کے رہنمائوں نے اسرائیل پر ایران کے جوابی حملے کے بعد مشرق وسطیٰ کی صورتحال پر بڑھتی کشیدگی روکنے پر زور دیا ہے۔

گروپ جی 7 ممالک نے ایک مشترکہ بیان میں کشیدگی میں اضافے کو روکنے کیلئے فریقین پر زور دیا کہ وہ خطے میں کشیدگی بڑھانے والے کسی بھی اقدامات سے گریز کریں۔بیان میں کہا گیا کہ گروپ سات ممالک کے رہنمائوں نے فلسطینی عوام کو انسانی بنیادوں پر امداد کی فراہمی جاری رکھنے کا عزم ظاہر کیا ہے۔

یورپی کونسل کے صدر چارلس مائیکل نے سوشل میڈیا پر کہا ہے کہ علاقے میں بڑھتی ہوئی کشیدگی اور مزید خون خرابے سے بچنے کیلئے تمام ممکن کوششیں کی جانی چاہئیں۔