پاکستان
ضمنی انتخابات: قومی و صوبائی اسمبلی کے 21 حلقوں میں پولنگ جاری
پولنگ کا عمل شام 5 بجے تک بغیر کسی وقفے کے جاری رہے گا
لاہور: قومی اسمبلی کی 5 اور صوبائی اسمبلی کی 16 نشستوں پر پولنگ جاری ہے جن میں پنجاب اور خیبر پختونخوا سے قومی اسمبلی کی 2 ،2 اور سندھ کے ایک حلقے میں ووٹنگ ہو رہی ہے جبکہ پنجاب کی 12 صوبائی، خیبر پختونخوا اور بلوچستان کی 2،2 صوبائی اسمبلیوں کی نشستوں پر ووٹنگ جاری ہے۔
پولنگ کا عمل شام 5 بجے تک بغیر کسی وقفے کے جاری رہے گا۔
پنجاب اور بلوچستان کے چند انتخابی اضلاع میں موبائل اور انٹرنیٹ سروس بند کر دی گئی۔ ان شہروں میں لاہور، شیخوپورہ، قصور، ڈی جی خان، تلہ گنگ، گجرات، علی پور، ظفر وال، بھکر، صادق آباد، علی پور چٹھہ اور کوٹ چٹھہ و دیگر شامل ہیں۔
پی ٹی اے کے اعلامیہ کے مطابق وزارت داخلہ کی ہدایت پر موبائل سروس اور انٹرنیٹ عارضی طور پر معطل رہے گی۔یہ فیصلہ انتخابی عمل کو بلا تعطل اور شفاف انداز میں پایا تکمیل تک پہنچانے کیلئے گیا گیا۔
انتخابات کے دوران سکیورٹی کے انتہائی سخت انتظامات کئے گئے ہیں۔ انتہائی حساس پولنگ اسٹیشنز پر سی سی ٹی وی کیمرے نصب کئے گئے ہیں۔ افواج پاکستان اور سول آرمڈ فورسز کے اہلکار انتہائی حساس پولنگ سٹیشنز کے باہر تعینات کئے گئے ہیں۔
الیکشن کمیشن کے ضابطہ اخلاق میں کہا گیا ہے کہ اہلکار انتخابی عمل میں مداخلت نہیں کریں گے۔ انتخابی مواد بھی تحویل میں نہیں لیں گے۔ سول فورسز اور فوجی اہلکار پولنگ کے عمل میں غیر جانبدار رہیں گے۔
صوبائی الیکشن کمیشن کے دفاتر میں کنٹرول روم قائم کر دیئے گئے۔ عوام کو الیکشن کے حوالے سے رابطہ کرنے اور اپنی شکایات درج کروانے کی سہولت ہو گی۔
ترجمان الیکشن کمیشن کے مطابق شکایات کے بروقت ازالے کیلئے کارروائی کی جائے گی۔ مانیٹرنگ سنٹر نتائج موصول ہونے تک کام کرے گا۔
علاوہ ازیں 21 حلقوں میں ضمنی انتخاب اور ایک میں ری پولنگ ہو رہی ہے۔ حساس پولنگ اسٹیشنز پر اضافی نفری تعینات کی گئی ہے۔ سول آرمڈ فورسز اور آرمی کے دستے کوئیک رسپانس فورس کے طور پر استعمال ہوں گے۔ گزشتہ روز حکومت کی منظوری کے بعد وزارت داخلہ نے احکامات جاری کر دیئے گئے تھے۔
یاد رہے گزشتہ روز موبائل فون اور انٹرنیٹ سروس بند رکھنے کا فیصلہ کیا گیا تھا جس کے لیے پنجاب حکومت نے وفاقی وزارت داخلہ کو خط لکھا تھا۔
دوسری جانب آئی جی پنجاب ڈاکٹر عثمان انور نے کہا ہے کہ پنجاب پولیس ضمنی الیکشن2024 کے پرامن اور شفاف انعقاد کیلئے تیار ہے،پنجاب کے 2599پولنگ سٹیشنز میں سے 419اانتہائی حساس جبکہ1081حساس قرار دیئے گئے ہیں۔
اتوار کو جاری بیان میں انہوں نے کہاکہ 663مردانہ، 649زنانہ، 1289مشترکہ پولنگ سٹیشنزپر موجود الیکشن عملے کو بھرپور تحفظ فراہم کیا جارہا ہے۔ انہوں نے کہا کہ صوبائی دارالحکومت لاہور سمیت صوبہ بھر میں سکیورٹی بڑھا دی گئی ہے، امن دشمن عناصر پر کڑی نظر ہے، کسی کو بھی الیکشن کے عمل میں رکاوٹ ڈالنے نہیں دیں گے۔
آئی جی نے کہا کہ الائیڈ محکموں، آرمڈ فورسز، سکیورٹی اداروں کے تعاون سے پرامن اور شفاف پولنگ کا عمل یقینی بنائیں گے۔ووٹرز، پولنگ عملے، شہریوں کو بھرپور سکیورٹی فراہم کریں گے۔انہوں نے ہدایت کی کہ آر پی اوز، ڈی پی اوز، سی ٹی اوز، سینئر افسران تمام تر انتظامات کا خود جائزہ لیں، حساس پولنگ اسٹیشنز پر اضافی نفری، ڈولفن فورس، کوئیک رسپانس سمیت دیگر ٹیمیں تعینات ہیں۔
جرم
مانسہرہ، ہزارہ ایکسپریس کے قریب ملزمان کی ہائی وے پولیس پر فائرنگ
فائرنگ سے ایک پولیس اہلکار جاں بحق، 2 زخمی،ملزمان فرار
مانسہرہ میں ہزارہ ایکسپریس وے پرگاڑی کا چالان کرنے پرملزم نے فائرنگ کر دی۔
فائرنگ کی زد میں آکر ہائی وے پولیس کا سب انسپکٹرعامرشہید ہو گیا جبکہ سپاہی نوید زخمی ہوگیا۔
پولیس کے مطابق واقعہ پشاور سے مانسہرہ آنے والی مہران کار کا چالان کاٹنے پر پیش آیا۔
شہید ہونے والے انسپکٹر اور زخمی اہلکار کو کنگ عبداللہ اسپتال مانسہرہ منتقل کردیا ہے۔
پولیس نے ملزم کی گرفتاری کیلئےعلاقے کوگھیرے میں لےلیا، جبکہ جگہ جگہ ناکہ بندیاں بھی کرکے سرچ آپریشن شروع کر دیا گیا ہے۔
پاکستان
صدر ،وزیر اعظم کی صحافیو ں کے عالمی دن پر ان کے مسائل حل کر نے کی یقین دہانی
وزیراعظم نے کہا کہ حکومت پختہ یقین رکھتی ہے کہ میڈیا اور اظہار رائے کی آزادی جمہوری استحکام کی ضمانت فراہم کرتی ہے
صدر مملکت آصف علی زرداری اور وزیر اعظم شہباز شریف نے آزادی صحافت کے عالمی دن کے موقع پر اپنے پیغامات میں صحافیوں کے تحفظ اور سلامتی کے لیے اقدامات شروع کرنے کی ضرورت پر زور دیا گیا ۔
انہوں نے کہا کہ صحافیوں کے مسائل حل کریں گے تاکہ صحافی اہم مسائل پر آزادانہ رپورٹنگ کرسکیں ، اور پاکستانی قوم کو سچائی سے مستفید کریں ۔
انہوں نے صحافیوں، میڈیا ورکرز، ادیبوں اور کیمرہ مینوں کو خراج تحسین پیش کیا اور سچائی کے لیے ان کی جدوجہد کو سراہا۔
صدر مملکت آصف علی زرداری نے کہا کہ پاکستان کا آئین آزادی صحافت کی ضمانت دیتا ہے،میڈیا کی ذمہ داری ہے کہ صحافتی اخلاقیات کی پابندی کرے، قومی مفاد مدنظر رکھتے ہوئے ذمہ دارانہ اور درست رپورٹنگ کرے۔میڈیا کو جعلی خبروں کے سدباب اور اخلاقی اقدار کے فروغ کیلئے اپنا کردار ادا کرنا چاہیے۔
صدر آصف علی زرداری نے کہا کہ آج ہم میڈیا کو آئین کے مطابق آزاد، خود مختار اور متنوع بنانے کیلئے ماحول تشکیل دینے کے عزم کے ساتھ آزادی صحافت کا دن منا رہے ہیں ، آزادی صحافت کا عالمی دن ہمیں اپنے ملک میں آزادی صحافت کی صورتحال پر غور کرنے کا موقع فراہم کرتا ہے ، یہ دن صحافیوں کیلئے ایک محفوظ اور سازگار ماحول پیدا کرنے کی کوششیں کی یاد دہانی کراتا ہے۔
اپنے پیغام میں وزیر اعظم شہباز شریف نے کہا کہ صحافت اور اظہار رائے کی آزادی جمہوریت کی بنیاد اور شہری حقوق کے تحفظ کے ساتھ ساتھ معاشرے میں حق کی آواز ہے۔
انہوں نے میڈیا اور دیگر اسٹیک ہولڈرز کے اجتماعی کردار پر زور دیا کہ وہ میڈیا کے ہموار کام کو یقینی بنانے کے لیے سازگار ماحول پیدا کریں۔
وزیراعظم نے کہا کہ حکومت پختہ یقین رکھتی ہے کہ میڈیا اور اظہار رائے کی آزادی جمہوری استحکام کی ضمانت فراہم کرتی ہے۔
علاقائی
لاہور میں جلد الیکٹرک بسیں چلا ئی جائیں گیں ، مریم نواز
وزیر اعلی پنجاب مریم نواز نے کہا کہ الیکٹرک بسوں کے پائلٹ پروجیکٹ کیلئے 27 بسوں کی خریداری کا عمل جاری ہے
لاہور : وزیر اعلی پنجاب مریم نواز نے لاہور کے شہریوں کیلئے ٹرانسپورٹ کو بہتر بنانے کی ہدایات دیں ۔
تفصیلات کے مطابق وزیر اعلی پنجاب مریم نواز نے الیکٹرک بس منصوبے کو جلد مکمل کرنے کی ہدایات کیں انہوں نے کہا کہ لاہور کے شہریوں کیلٗے الیکٹرک بس منصوبہ رواں سال میں ہی مکمل کیا جائے ۔
انہوں نے کہا کہ جلد ہی الیکٹرک بیس لاہور کی عوام کیلئے دستیاب ہونگی ۔
لاہور کے شہریوں کیلئے خوشخبری!#GNN #BreakingNews #NewsUpdates #GNN_Updates pic.twitter.com/zV3KOh4MfV
— GNN (@gnnhdofficial) May 3, 2024
واضح رہے مریم نواز نے کہا کہ الیکٹرک بسوں کے پائلٹ پروجیکٹ کیلئے 27 بسوں کی خریداری کا عمل جاری ہے ۔
-
پاکستان 2 دن پہلے
پی ٹی آئی کی منحرف رکن سعدیہ سہیل رانا کی استحکام پاکستان پارٹی سے بھی راہیں جدا
-
ٹیکنالوجی 20 گھنٹے پہلے
ملکی تاریخ کا سنہرہ باب، پاکستان کا پہلا سیٹلائٹ مشن چاند پر روانہ ہوگیا
-
پاکستان ایک دن پہلے
سعودی وفد جلد پاکستان کا دورہ کرے گا ، وزیر اطلاعات
-
علاقائی 13 گھنٹے پہلے
لاہور میں جلد الیکٹرک بسیں چلا ئی جائیں گیں ، مریم نواز
-
جرم ایک دن پہلے
فیصل آباد کے رہائشی محمد کاظم کی دو بیویوں اور چار بچوں کوقتل کرنے کے بعد خودکشی
-
پاکستان 12 گھنٹے پہلے
وزیراعظم شہباز شریف کی جا نب سے چیئرمین ایف بی آرامجد زبیرکی سرزنش
-
پاکستان ایک دن پہلے
بانی چیئرمین پی ٹی آئی نے بھی نیب کی نئی انکوائری میں طلبی کا نوٹس چیلنج کر دیا
-
پاکستان ایک دن پہلے
وزیر خارجہ اسحاق ڈار کی بطور نائب وزیراعظم کی تعیناتی کا نوٹیفکیشن چیلنج