پی پی 149 ، پریزائیڈنگ افسر نے پولنگ ایجنٹوں سے پہلے ہی فارم 45 پر دستخط کروا لئے

لاہور کے حلقہ پی پی 149 کے پولنگ اسٹیشن 127 پر پریزائیڈنگ افسر نے سنی اتحاد کونسل کے پولنگ ایجنٹوں سے پہلے ہی فارم 45 پر دستخط کروا لئے، پریزائیڈنگ آفیسر نے سائن کروانے کا اعتراف بھی کر لیا۔ 

پولنگ ایجنٹوں سے فارم 45 پر دستخط کرانے کی شکایت پر سنی اتحاد کونسل کے رہنما پولنگ اسٹیشن پہنچے، جہاں انکا پریزائیڈنگ آفیسر سے جھگڑا ہوا۔ سنی اتحاد کونسل نے اسے پری پول رگنگ قرار دیا۔

لاہور PP-149 میں دوپہر 12 بجے پریذائیڈنگ افسر نے خالی فارم-45 پر دستخط کروا لیے

ہمارے امیدوار @hafizZeeshanPHA نے موقع پر پہنچ کر دھاندلہ بےنقاب کر دیا
pic.twitter.com/9zY3NNywPw

— PTI (@PTIofficial) April 21, 2024

پریزائیڈنگ آفیسر محمد اقبال کا کہنا تھا کہ انہوں نے وقت بچانے کے لئے سائن کروائے۔

سنی اتحاد کونسل کی پولنگ ایجنٹس کا کہنا تھا کہ ان سے فارم 45 پر صبح ہی سائن کروا لئے گئے تھے۔

سنی اتحاد کونسل کے رہنماؤں نے الزام لگایا کہ دیگر حلقوں میں بھی پولنگ کے عملے نے ان کے ایجنٹوں سے فارم 45 پر سائن کروا کر قانون کی خلاف ورزی کی ہے۔